Idinala naman kami ni Gng. Victorina sa iba't- ibang mga silid, at isa na roon ang silid nina Gob. Sebastian at ng asawa niya. Pinasok namin ang ibang mga silid at natagpuan namin doon ang iba pang mga likhang- sining. Halos pinuno ng pinta ang buong silid na ito, at ang bawat sining ay masasabi mong gawa ng isang dalubhasa.
"Kanino po gawa ang mga ito, Gng. Victorina?" usisa ni Maria habang manghang mangha umiinog ang tingin sa bawat sulok ng silid.
"Kay Gob. Sebastian."
Bigla akong napahinto sa aking pagsulyap sa mga sining na ito at ibinaling ang aking tingin kay Gng. Victorina. Nanlaki ang aking mga mata at wari'y hindi makapaniwala sa aking narinig.
"Gawa ni Gob. Sebastian?" pagtatanong ko nang nakakunot ang noo.
"Oo, Maya. Isang magaling na pintor si Gob. Sebastian, ngunit simul
