“Itapon niyo ang katawan nito sa malayong lugar,” utos ni Donya Luciana sa kaniyang mga tauhang lalaki na agad naman nitong sinunod.
“Ayaw kong ipaalam niyo ang pagkamatay ni Victorina, lalong lalo na kay Sebastian. Itikom ninyo ang mga bibig ninyo kung ayaw niyong matulad sa kaniya,” pananakot pa niya sa aming mga nakasaksi ng karumal- dumal na ginawa niya.
Hinila ako ng isang lalaki paalis sa katawan ni Gng. Victorina ngunit nagpumiglas ako. Ayaw kong iwan ang katawan ng isang babaeng nagparamdam sa akin ng pagmamahal ng isang ina. Pilit kong nilalabanan ang kanilang pagtaboy sa akin, ngunit isa lamang akong hamak na babae— walang kakayanan laban sa matitipuno nilang katawan.
Wala na akong nagawa nang tuluyan na nilang kunin ang katawan ni Victorina, at isinakay pa ito sa kanilang cal
