Nagtama ko ng mga pasa at sugat sa aking katawan nang dahil sa pambubugbog ni Gob. Sebastian sa akin. Hindi pa man ako nakakabangon mula sa pagpaparusa ng kaniyang asawa na si Donya Luciana ay sinundan naman niya agad ito.
Dahil lubos pa akong nanghihina, nagpasya si Gng. Victorina na akuhin na muna ang mga gawain na nakaatang sa akin at magpahinga raw muna ako rito sa aming silid.
Kinabukasan, maaga akong nagising dahil maaga rin ako natulog kagabi. Kaya naman ay kahit wala pang gising na ibang kasambahay, nagsimula na akong maglinis ng buong mansyon upang mapunan ko ang mga naiwan kong gawain kahapon.
Nagsimula akong magkuskos ng sahig at magpunas ng mga mwebles. Tinanggal ko rin ang mga alikabok sa kanilang mga kasangkapan kahit na hindi pa man sumisikat ang ang araw sa labas.
Nang
