Walang patid ang pagpatak ng luha sa mga mata ni Kate habang nakatingin sa salamin. Titig na titig siya sa mga matang ibinigay ng kanyang donor. Ang mga kayumangging matang kumikinang sa luha at sa liwanag na tumatama roon. Mga matang pag-aari lamang ng iisang taong kilalang-kilala niya. Isang taong labis niyang minahal.
“Anong halaga ng mga matang ibinigay mo sa akin kung hindi na kita makikita pa?” sambit niya na tila kinakausap ang kanyang mga mata. Labis na pagsisisi ang kanyang nararamdaman ng mga sandaling iyon. Huli na nang malaman niyang ang kanyang donor ay si Robb at sa kanya ang sulat kamay na iyon. Huli na rin nang malaman niyang ang itinataboy niyang si Cedric ay ang totoong Robb.
“Paanong nalinlang ako ng aking paningin noon? Paanong hindi ko nakilala ang lalaking tunay kon
