Isang linggo na lang at tapos na ang pasukan. Dalawang buwang bakasyon at dalawang buwan ding hindi niya makikita si Robb. Siguro nga ay sapat na ang mga buwan na iyon para makalimutan niya ang sakit na dulot ng nawasak niyang puso. Siguro ay makakatulong iyon para hindi na niya ito maisip pa.
Muli siyang bumuntong hininga bago binuklat ang kanyang notebook. Final exam na at kailangan niyang mag-aral na mabuti. Kailangan niyang makapasa kahit na sa totoo lang, bigla siyang nawalan ng gana sa pag-aaral mula nang mangyari ang hindi niya inaasahan. Madalas pa ring sumasagi sa isip niya ang mga pinagsamahan nila ni Robb. Kahit maiksing panahon lang iyon ay naging magandang alaala iyon para sa kanya.
“Need help to review?” tanong sa kanya ni Cedric. Umupo ito sa harapan niya.
Bahagya niyang
