.
Dismayadong naglakad pabalik ng kotse si Robb. Mahaba-haba rin ang nilakad niya pabalik. Hindi naman ang pagod sa paglalakad ang kanyang iniinda kundi ang ginawang pag-iwas sa kanya ni Kate. Hindi niya akalaing malalaman nito ang ginawang pustahan nila, mahigit isang taon na ang nakakaraan.
Ikinuyom niya ang kanyang mga palad nang makasakay na siya sa passenger’s seat ng kotse. Alam niyang si Cedric ang nagsabi niyon kay Kate. Gusto siyang siraan nito upang layuan siya ni Kate para sa ganoon ay mapalapit ito sa dalaga. Labis na inis ang nararamdaman niya para sa kaibigan.
“May problema po ba, Sir?” pansin sa kanya ng driver.
Umiling naman siya. “Wala po. Tara na po.”
Pinaandar naman ng driver ang kotse. Tahimik lang siya habang tiim-bagang na nakatingin sa labas ng kotse hanggang s
