Nagbalik silang dalawa ni Cedric sa loob ng classroom na walang imikan. Tanging tinginan lang na masama ang pinukol nila sa isa’t isa. Nagulat naman ang lahat pagpasok na pagpasok nila. Ang lahat ay nakatingin sa kanilang dalawa na may mga pasa sa mukha.
“Mr. Lorenzo, Mr. Jones, where have you been?” tanong ng teacher na naabutan nilang nagtuturo na.
“In principal’s office, Ma’am,” tugon naman ni Cedric saka dire-diretsong naupo sa puwesto nito. Samantalang siya naman ay hindi ito pinansin at nagtuloy-tuloy lang sa puwesto niya. Tinapunan pa niya ng tingin si Kate na nakatingin din sa kanya pagdaan niya sa tapat nito. Umiwas lang din agad ito ng tingin sa kanya kaya naupo na lamang siya sa kanyang silya.
Muli niyang ibinaling ang tingin kay Cedric. Ginugulo pa rin ang kanyang isip ng n
