Masama ang loob ni Kate kay Robb pero hindi niya maiwasang hindi isipin ito lalo na at pangatlong araw na niya itong hindi nakikita. Napag-alaman niya kay Cedric na na-suspended daw ito dahil sa ginawang pambubugbog sa binata. Hindi rin niya mapaniwalaan na kayang manakit ng tao ni Robb pero hindi nakabawas iyon sa damdamin niya para dito.
Habang hindi niya ito nakikita ay lalo lamang tumitindi ang damdamin niya para dito. Hindi siya makapag-concentrate sa kanyang pag-aaral sa labis na pag-iisip at pag-aalala dito.
"Ano kayang nangyayari sa kanya? Ano kayang ginagawa niya ngayon?" mga tanong na gumugulo sa kanyang isip habang siya ay nakaupo sa kanyang silya at nakahalumbaba. Naglalakbay ang kanyang isip sa kung saan naroon si Robb.
“Miss Loyola!” tawag sa kanya ng teacher na ikinagulat
