Mula nang makita ni Katherine si Cedric ay hindi na ito nawala sa isip niya. Hindi niya maunawaan ang kakaibang damdaming naramdaman niya rito. Hindi mawala sa isip niya ang boses nito na kagayang-kagaya ng kay Robb. Maging nang tawagin siyang Kate nito ay hindi rin mawala sa isip niya. Mula nang magbalik si Robb mula sa pagkawala nito nang mahabang panahon, ramdam niya ang malaking ipinagbago nito.
Para bang ibang tao ang kanyang kaharap at hindi talaga si Robb. Hindi na rin niya naririnig mula rito ang tawagin siya nitong Kate. Buong pangalan kung tawagin siya nito kapag magkasama sila. Kung minsan naman ay honey or baby na hindi naman madalas banggitin ni Robb kahit noong bago pa lang silang magkasintahan.
Naalala pa niyang sabi nito ng high school sila na mas okay raw na walang endea
