Matapos ang kanilang date ay nagpasya na silang umuwi. Masaya silang nagkukwentuhan habang naglalakbay pauwi.
"Tiyak akong magugulat si Inay kapag nalaman niyang ikakasal na tayo," masayang sambit niya sa kanyang nobyo habang nakaupo sa tabi nito sa may passenger's seat.
May ningning ang mga matang nakatitig siya sa singsing na ngayon ay nakasuot na sa kanyang palasinsingan. Nag-uumapaw ang saya sa kanyang puso habang tinitingnan ito. Hindi pa rin maalis sa isip niya ang proposal na ginawa ng kanyang nobyo kanina. Para bang nanumbalik sa kanya ang saya noong una itong mag-propose sa kanya.
Ikinagulat niya ang biglaang proposal nito sa kanya. Hindi siya makapaniwalang magpo-propose ulit ito sa kanya nang oras na iyon. Nagulat man siya ngunit pumayag rin naman. Sa tingin naman niya ay wa
