LYNDSAY'S POV
BIGLANG naglaho ang lahat ng mga sakit na naipon sa dibdib ko, matapos kong marinig lahat ng mga sinabi ni Luke. Totoo ngang nahirapan din siya, dahil sa aking paglayo sa kanya at nagtago ng sampung taon sa kanya. Kahit nandito ako sa Pilipinas noon ay hindi ko talaga siya pinuntahan. Kahit ilang beses din kaming nagtagpo ng hindi inaasahan sa isang event ay hindi talaga ako nag pakita sa kanya.
Masyado kong dinibdib ang sakit ng pagkahuli ko sa kanya sa akto na may kasiping na ibang babae. Kung sana noon ko pa hinarap si Luke, baka noon pa natuldukan ang paghihirap naming dalawa.
Gumaan na rin ang pakiramdam ko ngayon. Hindi na kagaya ng dati na napaka bigat lagi ng dibdib ko sa tuwing makikita ko si Luke. Ngayon ay nakayakap na rin ako sa kanya, habang mahigpit din si
