MAINIT NA PAGBATI ang iginawad ng mga Staff ng L & L Fusion Cuisine sa Miller Family. Si Luke ang nagmamayari ng bagong bukas na Restaurant.
Ngayong araw ang openning ng Restaurant ni Luke, kaya naroroon sila ng kanyang pamilya.
Inabangan din niya si Lyndsay kanina sa labas ng Villa, upang makausap niya ang dalaga at ma-invite sa kanyang Restaurant, ngunit natakasan siya ng babae. Alam ni Luke na mahihirapan siyang lapitan si Lyndsay, dahil ginagamit na nito ang kanyang kaalaman sa pakikipaglaban. Ibang iba na Lyndsay na ang muling nag balik. Matapang na ito at hindi na basta basta malalapitan.
"Anak, akala ko ba dadalhin mo dito si Lyndsay? Hindi mo ba siya nakausap?" tanong ng mommy ni Luke sa kanya.
"Sorry mom, natakasan kasi ako ni Lyndsay, kaya hindi kami nagkausap na dalawa."
