"DITO na muna ako sa 'yo matutulog," ang sabi niya habang nakaharap sa akin ang maamo niyang mukha.
Tahimik...
Napako ang tingin ko habang siya naman ay nakamasid lang sa akin. Ilang saglit pa ay napakurap ako at bumalik na sa ulirat. Totoo ba ang sinasabi niya?
"H-Ha? B-Bakit?" ang tanong ko. Hindi ko alam ang isasagot ko dahil naalala ko naman na ako pala ang dahilan kung bakit siya pinalayas sa kanila.
Kasalanan ko kung bakit wala na itong mauwian ngayon. Bigla akong nakaramdam ng awa at konsensiya sa kaniya kaya mabilis akong nagbigay ng espasyo upang makapasok ito sa loob.
Nakasunod lang ako sa kaniyang mga yapak habang naglalakad ito papasok at patungo sa aking kwarto. Ako na ang tumanggap ng bagahe niya habang abala ito sa pag-alis ng kaniyang suot na sapatos. Nakamasid lang di
