Mabilis na nagmaneho si Xander palayo sa lugar. Wala namang nagawa si Yanissa kundi ang tumahimik lamang dahil ramdam niya ang galit ng binata. Isa pa ay nanginginig pa rin siya dahil sa mga nangyari kanina. Muntik na siyang mapatulad sa kaniyang ama. At kung hindi siya nasundan ni Xander ay baka pinaglalamayan na siya ng kaniyang ninong.
Isang malaking palaisipan din sa kaniya kung sino ang nagbabanta sa kaniyang buhay. Base kasi sa sinabi ng lalaki kanina ay balak talaga siyang dispatsahin. Wala naman siyang naaalala na kaaway ng kaniyang ninong sa negosyo na maaaring magbanta sa kaniyang buhay. Kaya malaki ang paniniwala niyang ang mga Adler ang dahilan kung bakit nanganganib ang buhay niya ngayon. Napapaisip tuloy siya kung dapat na ba siyang umurong sa kasal.
Dahil sa bilis ng pagma
