TAHIMIK lamang akong nakatitig sa taong hanggang ngayon ay wala pa ring malay. At tila mababakas pa rin ang paghihirap na tinamo nito sa mga kamay ng mga kalaban. Ang mga pasa at sugat sa iba't-ibang parti ng katawan na hanggang ngayon ay sariwang-sariwa pa rin at bahagya pang namamaga ang mukha nito. Si Amida.
Mariing napakuyom ang aking mga kamao kasabay ng pag-igting ng aking mga bagang dahil sa matinding galit na aking nararamdaman.
Hindi ko inasahan na darating ang araw na mararanasan nito ang ganitong klaseng paghihirap sa mga kamay ng aking mga kalaban. At sa loob ng mahigit labing isang taon nitong pagharap sa mga labang aming hinaharap ay ngayon lamang ito nangyari. Ngayon lamang ito nalagay sa alanganing sitwasyon.
Kilala ko ang abilidad ni Amida sa lahat ng aspeto. Matalino,
