"Boss, katatawag po Amida. Nakauwi na raw po ng bansa si Ozone Nupco." Imporma ni Dolfo nang maibaba na nito ang cellphone.
Nag-angat ako ng tingin saka tumango. "Call Amida immediately." Utos ko saka ako tumayo at lumakad sa salaming dingding.
Lihim akong napabuntong hininga habang nakatingin sa malawak na ka-Maynila-an. Hindi ko alam kung saan ko na hahanapin ang aking asawa at ang pamilya nito.
Ipinahalughug ko na ang bawat sulok sa ka-Maynila-an ngunit walang makapagsabi kung nasaan ang aking asawa. At sa puntong iyon ay alam kong may pumuprotekta sa mga ito mula pa noon hanggang ngayon at iyon ang dapat kong alamin.
Aminado akong nagkamali ako ng desisyon noon nang binigla ko ang mag-asawang Aguilar na bilhin ang kanilang anak, kaya't hanggang ngayon ay walang tigil sa kakatakbo a
