"Come in!" turan ko na hind man lang nag-angat ng mukha.
"Sir, nandito na po si Mr. Alexander Galliguez." Imporma ni Miss Cabbangan. Napahinto ako sa pagbabasa sa ilang mga dokumentong nasa aking harapan, saka ako nag-angat ng mukha at tumingin dito.
Bumungad mula sa pintuang bahagyang nakabukas si Miss Cabbangan. Sa puntong iyon ay sandali akong natigilan at waring bigla akong nakaramdam ng kalituhan kung tatanggapin ko ba o hindi ang aking ama. Ang aking totoong ama. Si Alexander Galliguez.
"S-Sir," mahinang sambit uli ni Miss Cabbangan habang nakatitig sa akin na tila kinakabahan.
Bumuntong hininga ako kasabay ng aking pagtango saka umayos ng upo. "Let him in."
Niluwagan nito ang bukas ng pinto, hanggang sa tuloyan na ngang bumungad mula roon ang aking ama. Hindi ko alam kung ano a
