"Boss, confirmed po. Dadalo raw po si Miss Analyn sa party mamayang gabi ayon po sa katrabaho n'yang si Marjorie." Napatiim ang aking mga bagang sa ibinalita ni Amida.
Inutusan ko itong alamin kung pupunta ang aking asawa sa gaganaping party sa trabaho nito. Inimbitahan ako ni Mr. Berain sa okasyong iyon, kaya't nalaman ko ang tungkol doon.
Gusto ko mang pigilang hindi o huwag dumalo ang aking asawa sa party na iyon ngunit hindi ko magawa. Hindi ko naman puwedeng utusan si Jenniel na pigilan ito dahil hanggang ngayon ay wala pa rin namang alam si Jenniel tungkol sa namagitan sa amin ng aking asawa.
Napabuntong hininga na lamang ako sa isiping iyon. Sa isiping dadalo ang aking asawa sa party, at alam kong marami na namang mga lalake ang aaligid dito at lalandi. At kung mangyari man iyon
