SANDINO
MARIIN lamang akong nakatingin sa aking asawa habang kumakain. Hindi ko inakalang sa ganitong pagkakakataon ay makakasalo ko ito sa iisang lamesa.
Wala ring nabanggit kanina sa akin si Jenniel na darating ito, kaya't nang mabungaran ko ito sa labas ng apartment ay ganoon na lamang ang gulat na naramdaman ko.
Nakaramdam pa ako ng inis dahil sa mga katok nito. Wala sana akong planong buksan dahil bago pa lang kapipikit ng aking mga mata.
Hanggang sa tumunog ang cellphone ko at tumawag si Amida. Sinabi nitong nasa labas ang aking asawa kasunod ng larawang ipinadala nito na kuha mula sa CCTV camera sa labas ng apartment, kaya't dali-dali akong bumangon
Nagtataka man sa biglaan nitong pagdating ng wala akong alam o abiso man lang si Jenniel bago umalis ay mabilis na rin akong lumab
