Alona
"AY!" Sabay sabay na tili namin ng bumalandra sa marmol na sahig si Reed. Tumilapon pa nga ang isang upuan.
Umibabaw pa si Wallace kay Reed at inuundayan ito ng suntok. Pero hindi naman nagpatalo si Reed at binaliktad ang posisyon nila. Si Wallace naman ngayon ang nasa ilalim at inuundayan ng suntok ni Reed.
Parehas malaking lalaki ang dalawa at walang nagpapatalo. Kami namang mga babae ay panay ang tili at natataranta. Sumisigaw na kami para awatin sila. Hindi naman kami makalabas dahil nasa entrada sila ng kusina. Baka matamaan pa kami ng mga kamao nila kapag nagtangka kaming lumapit.
"Ser Wallace, Ser Reed tama na po yan! Susmaryosep! Awat na po!" Saway ni Ate Melinda.
Abo't abot naman ang kaba ko. Natatakot ako. Ayoko ng mga ganitong eksena. Sa mga pelikula lang masarap p
