Alona
NAPAAWANG ang labi ko sa mga sinabi ni Wallace at Tito Melchor. Gusto nilang magpakasal na kami ni Wallace para sigurado ng makukuha nya ang custody kay Wayne.
May pagaalinlangan sa loob ko, may pagtutol. Hindi sa dahil ayokong magpakasal kay Wallace. Syempre gusto ko. Mahal ko sya eh. Wala pa nga sa hinagap ko na aalukin nya ako ng kasal.
"Iha, wag mo sanang isipin na ginagamit ka lang namin para kay Wayne. Kami ng Tita Jacinta mo ay botong boto sayo. Ibang iba ka sa lahat ng mga naging babae ni Wallace na puro material na bagay lang ang gusto." Sambit ni Tito Melchor.
Kimi akong ngumiti sa mga sinabi ni Tito Melchor. Masarap sa pakiramdam na malamang boto sila sa akin.
"Pero mahirap lang po ako Tito Melchor. High school lang po ang natapos ko." Nanliliit na sabi ko.
"Al
