Alona
"S-SER wala na po talaga kaming mahihingian ng tulong. Ubos na po ang ipon naming mag asawa sa mga gamot pa lang po ng anak namin. Limitado lang din po ang tulong na kayang ibigay ng baranggay namin. Sa munisipyo naman po limitado din po ang kaya nilang ibigay. Kaya kakapalan na po naming mag asawa ang mga mukha namin na lumapit sa inyo ser. Sana po matulungan nyo kami. H-Hindi na po namin alam kung saan pa kami lalapit." Naiiyak na sabi ng isang payat na ale na medyo magulo ang buhok. Nangingitim din ang paligid ng kanyang mga mata na halatang walang sapat na tulog. Ganun din ang payat na mamang katabi nya na marurumi pa ang mga paa.
"Hindi po talaga sapat ang kakarampot na kinikita ko ser sa pagsasaka. Lalo na po ngayon na problema pa ang tagtuyot. Imbes na ang pera namin ay sa
