Wallace
NAPANGISI ako ng sabuyan ni Wayne ng tubig sa mukha si Alona sabay bungisngis. Hindi naman nagpatalo si Alona at winisikan din ng tubig sa mukha si Wayne. Malutong na malutong ang tawa ng anak ko na nasa gitna ng swimming pool at nakasakay sa salbabida nya.
Dati ay takot na takot na lumusong sa pool si Wayne. Kahit ako ang kasama nya ay natatakot pa rin sya. Pero kay Alona madali lang sya napasunod. Buo ang tiwala nya kay Alona. Siguro ay nararamdaman nyang hindi sya pababayaan ng yaya nya.
Miyerkules ngayon at holiday. Nagpaalam ang mga kasambahay na magsuswimming sila. Pinayagan ko naman dahil mainit ang panahon para mapreskuhan naman sila. Sumama din sa pagsuswimming nila si Alona at Wayne. Lately naaaliw akong panoorin silang dalawa. Nawawala ang pagod ko kapag nakikita ko
