Conrad
"HI Rocky boy. Miss me?"
Tumilaok naman ang manok kong si Rocky habang hinihimas himas ni Tati ang ulo nito. Dinulduldol pa nga nito ang ulo sa kamay ng aking nobya. Mukhang gustong gusto nito ang himas ni Tati. May pagka masungit kasi itong si Rocky. Hindi basta basta nalalapitan ng kung sino lang dahil nanunugod ito at nanunuka. May pagka-territorial kasi ito. Ang nakakalapit lang dito bukod sa akin ay si Mang Kulas at Samuel na tagapag alaga nito. Pero ngayon mukhang may paborito itong tao at ang nobya ko pa.
Humagikgik si Tati. "Namiss mo nga ko."
Tumingin sa akin si Tati na nakangisi at tinaasan pa ako ng kilay. Kanina pa nya ako inaasar habang papasok kami ng opisina. Hindi ko lang pinapatulan dahil kababati lang namin. Kung gusto nyang hawakan ang lahat ng manok dito s
