Nasa daylight studio na kami nila Wayne at Mam Jaira. Nasa lugar ako pero yung isip ko ay lumilipad kung saan. Pinanonood ko ang mga taong abala sa pag-aayos ng mga sarili nila, sa mga modelong inaayusan ng mga make-up artists at sa mga staff dito na halos hindi magkandamayaw sa pag-aayos ng mga dapat ayusin.
Maganda ang tanawin sa labas. Kaya daw tinawag itong daylight studio dahil ang nagbibigay ng liwanag dito ay ang araw na tumatama sa transparent glass nitong dingding at maging ang bubong nito ay transparent ngunit kalahati lamang. Kumbaga may parte na glass at meron namang silong.
Malaki ang studio. Namangha ako ng una ngunit nawala rin yun dahil sumasagi sa isip ko ang nangyari kagabi. Inilibot naman ako ni Mam Jaira. Pinakilala sa mga staff na lagi ko daw makikita at mag-aasikaso
