Nasa isang café kami ni Mam Jaira. Lumabas muna kami upang makapag-usap kami. Naiwan sa hospital si Liro ang ang Mommy nila. Kanina pa lang ay narito na sa dibdib ko ang kaba. Hindi ko kasi alam kung anong pag-uusapan namin. Kung tungkol ba sa relasyon namin ni Wayne o kung ano ba. Kahit gusto ko ng lumapit kay Wayne ay kailangan ako makausao ni Mam Jaira.
Matagal kong tinititigan ang frappe na nasa harapan ko at hindi ko mainom dahil sa nararamdaman ko. Sumisipsip lamang ako ng kaunti para masabing iniinom ko ang inorder niya para sa akin. Pero parang hindi ko malasahan ang iniinom ko.
Binalot din ng ilang minutong katahimikan ang paligid namin ni Mam Jaira. Gusto ko ng itanong sa kanya ang pag-uusapan namin ngunit dahil sa takot ay hindi ko magawang makapagsalita man lang. Wala naman
