Nang bumisita ang family doctor nila ay inabangan niya ito nang lumabas ito ng kwarto ng daddy niya. Tinanong niya ito tungkol sa kalusugan ng ama. Kinumpirma naman nito ang unang sinabi ng daddy niya na kailangan lang daw talaga nito ng pahinga. Hindi niya alam kung bakit hindi pa rin siya matahimik kahit ang doctor na nito mismo ang nagsabi.
Lagi na rin niyang nakikitang dumadalaw si Mr. de Dios sa bahay nila. Lagi itong may dalang mga papeles. Halos araw-araw niyang nakikita ang matanda sa bahay nila. Hindi na rin siya masyadong nagtanong pa dahil wala pa naman talaga siyang alam masyado sa kalakaran ng mga negosyo nila.
Nakakalimutan niya lang ang mga bumabagabag sa isip niya kapag kasama niya si Blaire. Ito lang ang tanging nakakapagpagaan ng pakiramdam niya. Madalas din niya itong
