دقة قلب ... نجلاءناجي

الشخصيات عائلة مهندس محمود م.محمود :يعمل مهندسا فى شركه مقاولات فايزه : الزوجه...موظفه بالصحه ندى :بنت وحيده .جميله .قصيره ورفيعه وذكيه طالبه تجاره في السنة الثالث عائل الجارحى سناء :الام وهى ست بيت طيبه وتحب أبنائها جدا معتز :الابن الاكبر مهندس .رياضى.ذا شخصيه قويه ...قاسى مع الكل الا والدته واخواته وصديق عمره وابن عمته حسن ....أسس شركة مقاولات ،بدا من الصفر واستطاع ان يكون اسما لابأس به في سوق المقاولات ووسط شركات كبيرة لها شأن وباع طويل في المقاولات وليد :خريج تجاره ، رئيس قسم الحسابات فى شركه الجارحى ريم : طالبه فى كليه تجاره سنه 3 .رقيقه جدا وجميله ورومانسيه جدا عائلة الفاتح حسن :الابن الاكبر .دكتور فى كليه التجاره ويعمل فى شركه الجارحى؛ لانه شريك بها .كما انه ابن خال معتز وصديقه المقرب . يحي : خريج هندسه ويعمل مهندس فى شركه الجارحى . ساره :طالبه كليه تجاره السنه 3.مرحه ورياضيه عائل الحاج عبد الله خال ندى الحاج عبد الله :اخو فايزه ، يعيش فى البلد لديه اراضى واملاك كثير.. خالد :الابن الاكبر ويدير املاك والده ويحب ابنه عمته ندى مصطفى :طالب تجاره مثقف ورياضى باقى الشخصيات سنتعرف عليها من خلال الاحداث الحلقه الاولى صباح يوم جميل من ايام شهر سبتمبر ..اشعه الشمس هادئة نوعا ما نسمات من الهواء بها بعض لسعات البروده التي تغطيها اشعة الشمس فتطفي احساس بالدفء والراحه .الدراسه بدأت والكل مستيقظ للفطار والذهاب الى العمل او الجامعه عند عائلة مهندس محمود محمود وهو يجلس علي مائدة الافطار :صباح الخير ندى وفايزه وهما يتناولان الافطار :صباح الخير محمود موجها حديثه لندى : هوصلك معايا النهارده يا ندى ولا هتروحى الجامعه مع ريم ندى بابتسامة :لا يا بابا هروح مع ريم محمود وهو ينهض واقفا :طيب .السلام عليكم ندى وفايزه : وعليكم السلام عند عائلة الجارحى سناء تنادي علي الجميع بصوت عالي وهي تضع طبق البيض بالبسطرمة :يلا يا ولاد الفطار جاهز ريم وهي تضع حقيبتها بالقرب منها وتقبل والدتها : انا جيت اهه صباح الخير يا ست الكل وليد وهو يجلس ويتناول البيض : صباح الفل والورد يا جميل سناء :صباح الخير والسعد عليكم .امال فين معتز؟ وليد بتهكم وهو يتناول رشفة شاي :تلاقيه لسه نايم البيه سناء وهي تذهب :هروح اشوفه تقابل معتز قادما لهم معتز :صباح الخير يا ماما.رايحه فين سناء مبتسمة : كنت جايه اصحيك .صباح الفل على الفطار معتز : وليد متنساش تودى اوراق المناقصه قبل ما تروح على الشركه وليدوهو يبتلع طعامه : ماشى .هوصل ريم واعدى الورق .حاجه تانيه معتز وهو يهز رأسه : لا شكرا ريم : انت رجعت امتى امبارح يا معتز ؟ معتز بحده : ليه هو تحقيق ريم وهي تتلجج في الحديث بعدما شعرت بحده معتز،بالرد عليها : - لا بس بسأل.اصلى نمت الفجر وانت كنت لسه مجتش معتز بحده : اخر مره اسمع السؤال ده منك .مفهوووم ريم بخوف : مفهوم سناء بهدوء وفي مخاوله منها لتحسين الجو بين الجميع على الافطار : يا ابنى هيه تقصد يعنى بلاش سهر كتير .صحتك يا حبيبى معتز بحده وهو ينهي الحديث في هذا الموضوع وقف دون اكمال فطاره : ماما انا عارف بعمل ايه كويس .سلام عليكم وليد : متزعليش يا ريم انتي عارفه معتز كويس، يلا علشان اوصلك فى سكتى ريم : ماشى بس هفوت على ندى صاحبتى فى الطريق وليد : طب يلا بسرعه مش عايزين تاخير علشان اخوكى ميعلقنيش فى الشركه ..اتصلى بيها خليها تجهز ريم بضحك : ماااشى عند عائلة الفاتح اولاد خال الجارحى ساره : الفطار جاهز يا حسن انت ويحي حسن يضع حقيبته ويتجه للمائده : صباح الخير يحي:صباح الخير ساره : صباح الفل عليكم .يلا افطروا بسرعه حسن :ليه السربعه ساره وهي تجلس وتتناول بعض لقيمات بسرعه : عندى كليه وبعدين تمرين سباحه وبعدين جيم يحي متسائلاً : والغدا ساره : انا مجهزاه يا دوب على التسخين حسن : هتخلصى امتى كل دا ان شاء الله ساره : على سته ونصف او 7 حسن : ممكن افوت عليكى وانا مروح ساره : ماشى اهه ترحمنى من المواصلات لحد لما تحن عليا وتجيب لى عربيه حسن : لما تخلصى جامعه ساره بضحك : هانت لسالى سنه .يلا بقى علشان تودينى الكليه معاك حسن :يلا ماشى ساره : حسن انت جيت امبارح امتى ؟؟ حسن : متأخر شويه ... ليه ؟؟ ساره : ابدا اصلى نمت 12 وانت كنت لسه مجتش حسن : كنت سهران مع معتز بنخلص شغل، ومش كل ثا اتأخر تسألي عليا انا مش صغير يا ساره انا دكتور في الجامعة، السؤال دا ميتكررش تاني... فاهمه ساره وقد شعرت بالاحراج : حاضر انا بس سالت عليك لانك اخويا الكبير، وعلي العموم يا سيدي مس هسألك تاني ،بس والله مش بنام وانا مطمنه غير وانتم في البيت. فى عربه وليد وليد : يلا يا ريم نادى ندى بسرعه ريم :اهه جت اهه ندى وهي تركب : صباح الخير وليد وريم : صباح الخير ندى : اتاخرت عليكم ؟؟ وليد : لا ابدا ..عندكم محاضرات الساعه كام ؟ ريم : 9 حسن ابن خااالك . ندى ضاحكه هيه وريم : ربنا يجعل كلامنا خفيف عليه ..دا كشرى وبخانق دبان وشه وليد مندهشا : حسن !!!!انتم متاكدين انكم بتتكلموا على حسن!!! ندى : اه ..امال هنتكلم عن خياله ريم لندى : لا مش اوى يعنى ندى : اقعدى ساكته بس ينظر لهما في نراه السيارة ولا يصدق انهما يتحدثان عن حسن. ويكتفي بهز رأسه فقط وصلوا للكليه ونزلوا وهم يتحدثون ندى وهي تمد الخطى وتكاد تأكل الارض من تحت قدميها وهي تشير لمريم بالاسراع : بسرعه احسن ابن خالك يطردنا ريم وهي تهرول بجوارها وكأنها طفل يجوار امه : اه وهو ما هيصدق ....نفسى بس فى نظره حلوه من اللى بيديهم للبنات التانيه دول ندى وهي تقف وتقول بقوه ناهره اياها : تااانى يا ريم ....مش قلنا انه مش شايفك خاالص.نظره ضعييييف ريم وهي تقف امامها، وتقترب منها بتحد : مسيره هيشوف ويحس، مهم انا مش هوا قدامه للدرجه دي، يا إما هو واخد باله بس بيتعمد انه يبين انه مش واخد باله ندي وهي تفكر في حديثها : او يمكن هو فعلا مش واخد باله ونش شايف غير ريم قريبته وبنت عمته وبس ريم بحده : لااا، هنا بقي لازم اخليه يشوف الانسه ريم، مش بنت عمته، بس دي اعملها ازاي وهو مش بياخد باله، ولو حصل وبص ليا يا اتاخرتي ليه يا هانم، يا اخبارك ايه في المذاكره.. ندي: لا الموضوع دا نفكر فيه بغد المحاضرة ويلا بينا بدل ما يطردنا وانتي عارفاه كويس يلا بسرعه.. يدخلون المحاضره وتدخل وراءهم ساره ساره وهي تجلس وتحاول ان لا يراها حسن : قعدونى جنبكم بسرعه ..حسن جاي ورايا وعفاريت الدنيا بتتنطط فى وشه ندى بإهتمام : ليه ايه اللي حصل لدا كله؟ ساره وهي تري حسن يدخل القاعه الكل يجلس في هدوء تشير لهما لينظرا اليه وهو يضع حقيبته علي المنضده، يفتحها ويخرج اللاب توب الخاص به يشغل البروجكتور دون حديث او كلمات ، نتظران لعضهما البعض نظرات تدل علي انه غاضب جدا، وتنظران لساره في انتظار الاجابه على السؤال ... يتبع....