Nagpaalam na kami ni Finn kila Edward at Tita Rebecca na uuwi na kami dahil may trabaho pa bukas si Finn at isa pa ay kailangan ko ring magpahinga nang maaga para maaga rin ako magising bukas dahil bukas na gaganapin sa bahay ampunan ang surprise birthday party na naisip ko para kay Edward kasama ang mga bata sa bahay ampunan.
Nakakapagtaka nga dahil mukhang malalim ang iniisip ni Edward at mukhang hindi siya makatingin sa'kin kaya habang nagpapaalam si Finn kay Tita Rebecca ay lumapit ako kay Edward.
"Okay ka lang?" tanong ko. Mukha naman siyang nagulat.
"O-oo naman," sabi niya at pekeng ngumiti. Alam kong peke lang ang ngiti na iyon dahil kilala ko na si Edward at alam ko ang tunay na ngiti niya kaya hindi niya ako maloloko sa pekeng ngiti niya.
Pinaningkitan ko siya ng mata kaya nap
