Nataranta ako at nabitawan ang dalawang payong na hawak ko at tumakbo papalapit sa kaniya.
Nang makalapit ako sa kaniya ay naramdaman ko ang init ng katawan niya kaya napagtanto ko na may lagnat siya.
Hinila ko siya papasok ng bahay at nang makapasok kaming dalawa ay kinuha ko ang dalawang payong sa labas at pinasok din sa bahay sabay sarado ng pinto.
Kaagad ko siyang nilapitan at hiniga sa sofa ko rito sa sala dahil mabigat siya at hindi ko siya kayang mabuhat sa kama sa kwarto ko.
Muli kong hinawakan ang noo niya at talagang mainit siya kaya naghanda ako ng maligamgam na tubig at inilagay ito sa maliit na planggana at kumuha ng maliit na towel sa kwarto ko.
Kaagad kong sinawsaw ang towel sa planggana na may lamang maligamgam na tubig at piniga ang towel at dinampi sa mukha niya dah
