Itanan? Uso pa ba 'yon? Hello? Nasa tamang edad na sila! Ano bang pumasok sa kukote ng lalaki ito at naisipan ang bagay 'yon?
"Huwag kang makikialam dito, Dy," babala ni Frost kay Dylan. "Hindi ako mangingiming labanan ka kung hahadlangan mo kami Blue."
"Hanudaw?!" Nanlalaki ang mga matang bulaslas ni Dylan sabay humagalpak ng tawa. "Alam mo, Blue, maawa ka diyan sa jowa mo. Sa sobrang pagka-missed sa 'yo kung ano-anu nang pumapasok na kabaliwan sa utak!"
Napapailing na sinapo ni Blue ang noo. Hindi niya alam kung matatawa o maiinis sa lalaki. Sinulyapan niya si Frost at nakitang sumimangot ito sa tinuran ng kaibigan.
"Jusko, kahit dalhin mo pa 'yan si Blueberly sa Mount Tralala, wala akong keber!" Dugtong ni Dylan sabay tumayo na at naglakad patungo sa nakabukas na pinto. "Bahala
