Nakangiwing pinagli-lipat ni Blue ang tingin sa Amang si Ramon at Frost. Kasalukuyang nakaupo sila sa sulok na bahagi ng cake shop. Magkaharap ang dalawa habang nasa sentro naman siya nakapwesto.
Wala siyang choice kundi ipakilala na ng pormal ang mga ito imbes na mamaya pa sanang dinner. Paano kasi, pagkatapos nila magbihis at buksan ang pinto ng opisina— nagbitiw ng salita ang ama na gusto nitong makausap si Frost.
Kaya heto parang maiihi sa kaba si Blueberly. Kahit lumaki kasi siyang hindi pinaghihigpitan ng Ama, may takot pa rin naman siya rito. Lalo ngayong, seryoso ang anyo nito.
Tumikhim si Ramon na ikinalingon ni Blueberly sa Ama. "Hindi mo man lang ba ipapakilala itong nobyo mo, Blueberly?"
"A-ah, right!" Atubili siyang pumihit kay Frost at nakita na puno ng determinasyon an
