Wilder's P. O. V.
"Wilder..."
"Yes?"
Lumapit sa akin ang kaibigan kong si Archie. Masaya ako sa pagiging successful niya sa buhay. Parang dati lang, pangarap niyang maging isang kilalang direktor kung saan lahat ng mga ipapalabas niya ay sisikat. At ang pangarap na iyon ay natupad na. Masaya ako para sa tagumpay niya sa buhay.
"Halika dito sa tabi. May itatanong lang sana ako sa iyo," sabi niya bago naunang naglakad.
Kumunot ang noo ko sa pagtataka pero agad naman akong sumunod sa kaniya. Huminto siya sa isang tabi kung saan malayo kami sa mga tao dito sa taping.
"Matanong nga kita, may relasyon ba kayo ng assistant mong si Monica?"
Nanlaki ang mata ko sa sinabi niyang iyon. "H- Ha? Bakit mo naman n- naitanong?"
Bumuntong hininga siya. "Hindi ko naman ito napansin noon. Pero nang
