Grace's P.O.V.
Excited akong laging pumasok sa trabaho dahil makakasama ko si Wilder. Noon pa man ay gusto ko na si Wilder lalo na't kilala siyang tao. Hindi ko nga alam kung bakit ngayon niya lang naisipang mag- artista eh isang magaling na artista naman ang daddy niya. Sobrang saya ko talaga nang malaman kong si Wilder ang leading man ko. Binalak ko siyang landiin noon pero wala ako masyadong panahon lalo na't busy ako sa mga projects ko. Sa galing ko naman kasi sa pag- arte, sunod- sunod ang projects ko na nagbigay sa akin ng malaking pera.
"Wow naman miss Grace! Parang blooming yata kayo! Ang ganda- ganda niyo!" sabi ng assistant ko na si Olivia.
Nginisihan ko siya. "Talaga namang maganda na ako dati pa. Blooming lang ako ngayon dahil may inspiration na ako sa pagpasok sa trabaho."
