"Bakla, may dapat ka yatang sabihin sa amin tungkol kahapon? Anong nangyari at bigla kang pinapunta ni Sir Dark sa office niya?" salubong at usisa sa akin ni Erica pagdating na pagdating ko pa lang.
Kasama niya si Joy na naka abang sa akin sa second floor. Akala mo naman ay may utang ako sa kanila at kung makatingin silang pareho ay para ba akong kakainin ng buhay.
"Ang aga niyong dalawa para lang itanong sa akin yan?" tanong ko at hininto ko na ang pagtulak sa cart kung saan nakalagay ang mga gamit kong panlinis.
"Hinihintay ka namin kahapon pa, ante! Hindi ka naman kasi gumagamit ng social media account kaya hindi namin nalalaman ang ganap sa life mo. Pero huwag ka ng magpaligoy-ligoy pa. Anong nangyari at nasa opisina ka ni Sir Dark?" si Joy na nakataas pa ang isang kilay na para ban
