"Ma, tumatawag po si Sir Dark." Sabay abot ni Light ng cellphone sa akin.
Kunot-noo akong napatingin sa screen ng cellphone at pangalan nga ni Sir Dark ang naka rehistro na tumatawag ngunit maya-maya ay namatay na ang tawag
Ano naman kaya ang kailangan ng lalaking yon at bigla na lang tumatawag ng ganito na naman na oras?
Huwag niyang sabihin na nasa bar na naman siya at isang waiter ang nagmagandang loob na tawagan ang sinuman na nasa kanyang phonebook para puntahan na naman siya at iuwi sa condo niya.
Patay-malisya ko na lang ulit na binitawan ang cellphone sa side table at saka na nahiga.
Pagod ako dahil katatapos ko lang gumawa ng homemade longganisa at wala akong panahon na makipag usap sa sinuman sa cellphone lalo na kung ang demonyo na si Dark Lee lang ang makakausap ko.
"Ma
