"Hoy! Napano ka?! Hoy! Dark Lee! Tumayo ka nga diyan at huwag kang mag-inarte! Hindi mo bagay!" malakas kong tawag kay Dark Lee na bigla na lang nabuwal sa harap ko.
"Dark Lee! Ano ka ba! Bakit ka naman bigla-bigla na lang nabubuwal sa harap ko? Kung nagbibiro ka ay hindi ka talaga nakakatawa! Kaya bumangon ka na diyan kung ayaw mong suntukin kita o kaya naman ay sipain! Bangon!" buong lakas ko pang niyugyog ang malaki at mabigat na katawan ng lalaking nakahiga sa sahig ng silid pero hindi talaga siya kumikilos.
Wala talagang paggalaw sa kanyang katawan.
Niloloko ba ako ng lalaking ito?
Bakit naman siya magpapanggap na walang malay sa harap ko? Anong gusto niyang iparating sa akin?
Pero lumipas pa ang ilang sandali ay hindi pa rin kumikilos si Dark Lee.
"Hala?! Napano ka? Hindi ka ba
