إختفاء البارت الأول
3466 Words
انا إسمي زينة وعندي ٢٢ سنه حكايتي بدأت لما في يوم ماما كانت بتصحيني وتقولي . .
_ زينه إصحي يا يا زينه .
= في ايه يا ماما رعبتيني مالك وشك مخطوف ليه كده . .
_ إصحي يا بنتي اخوكي كل ده مرجعش البيت . . . . . .
= و فيها ايه يا ماما مهو طول عمره بيتأخر بره بيبقي قاعد مع اصحابه ولا هنا ولا هنا . . . . . د
_ ايوة يا زينة بس زين عمره ما بات بره البيت دايما بيرجع والنهار قرب يطلع . . . . . . .
= طيب انتي عاوزاني اعمل ايه دلوقتي يا ماما اقوم انزل وش الصبح اروح ادور علي اخويا يعني شوية و هيجي يا ماما . . . . . .
_ ماشي يا بنتي معلش اصل انا خايفه اوي علي اخوكي وحاسه اني قلبي مقبوض كده روحي انتي كملي نوم وانا هقعد استناه يمكن يجي في اي وقت الي مخوفني ان تليفونه مقفول و زين عمره ما عملها . . . . . . .
= ان شاء الله شوية و هيرجع يا ماما متقلقيش هروح انا انام دلوقتي ولما يجي ابقي صحيني و متقلقيش . .
. . . . .
دخلت زينه تنام تاني و مامتها كانت قاعده قلقانه جدا وقلبها واكلها علي ابنها وحاسه ب قبضه قلب رهيبه . . . . .
طلع النهار ومامتها قاعدة مكانها بتحاول تتصل ب زين لكن مفيش فايده تليفونه مقفول وحتي متعرفش ارقام اصحابه تكلمهم تسأل عليه . . . . . . .
صحيت زينه من النوم لقت مامتها قاعده نفس القاعده مستنيه زين وبتقرا فالمصحف وتدعي ربنا يجيبه بالسلامه . . . . . . .
_ شوفتي يا زينه اخوكي كل ده مجاش برضو و تليفونه مققول انا قولتلك انا قلبي مش متطمن وحاسه ان فيه حاجه . . . . . . .
= انا هنزل احاول ادور عليه دلوقتي يا ماما متقلقيش و إن شاء الله خير يبقي كويس ومفيش اي حاجه انتي بس بتحبي تقلقي نفسك عالفاضي . . . . . . .
_ لو وصلتي ل اي حاجه كلميني يا زينه انا خايفه اوي . . . . . . . .
لبست زينه بسرعه ونزلت وكانت قلقانه جدا بس مش عاوزه تبين قدام مامتها لأن اخوها فعلا عمره ما بات بره من غير ما يقول ل اهله لأنه راجل البيت وباباهم متوفي و قليل جدا لو سابهم و بات بره . . . . . .
نزلت تحت ومش عارفه تبدأ منين ولا تدور فين بالظبط . .
سألت اول حاجه الحاجه مني صاحبه السوبر ماركت . .
_ صباح الخير يا حاج والنبي مشوفتيش زين امبارح و هو نازل . . . . . .
= شوفته كان نازل عالمغرب كده بيتكلم فالتليفون مع حد وكان بيضحك ليه يا بنتي في حاجه حصلت ولا ايه شكلك قلقانه من حاجه . . . . . . . .
_ والله يا حاجه زين مجاش من امبارح و انا و ماما قلقانين عليه اوي . . . . . . .
= ما يمكن عند حد من اصحابه متقلقيش اتصلتي بيه علي تليفونه ولا لا طيب . . . . . . . .
_ بنتصل من امبارح والله يا حاجه مفيش فايده تليفونه مقفول وهو ده السبب الي مخلينا قلقانين اوي كده . .
= ان شاء الله خير يا زينه ابقي طمنيني عليه يا بنتي . .
_ حاضر ادعيلي والنبي يا حاجه و اوعي تبيني ل ماما حاجه احسن هي قلقانه اوي و مش عاوزه اقلقها اكتر من كده . .
= حاضر يا بنتي متقلقيش خالص . . . . . . . .
مشيت زينه فالشارع ومش عارفه تسأل مين ولا تعمل ايه . . . . . . .
قابلت واحد صاحبه فاتح محل موبايلات علي اول شارعهم . .
_ صباح الخير يا محمد . . . . . . .
= صباح النور يا زينه خير تليفونه باظ تاني او عاوزه تشحني . . . . . . .
_ لا الحقيقه انا جايه اسألك علي زين انت مشوفتهوش خالص من امبارح ولا قالك رايح فين . . . . . . .
= لا والله انا و زين بنخرج مع بعض كل فين و فين عشان ظروف شغلي وواقف فالمحل علي طول حتي معرفش اصحابه ليه يا زينه قلقتيني هو في حاجه ولا ايه . .
_ زين مجاش من امبارح وقافل تليفونه وانا و ماما قلقانين اوي دا اول مرة يعملها من ساعه ما بابا الله يرحمه مات عمره ما بات بره ولا سابنا لوحدنا المده دي كلها . .
= لا ان شاء الله ربنا يطمنك عليه وانا هحاول اتصلك بيه في كل مكان متقلقيش وان شاء الله نوصله علي طول . .
مشيت زينه و هي متعرفش تروح فين دي حتي متعرفش بيوت اصحابه ولا ارقامهم . .
ملقتش قدامها غير قسم الشرطه تدخل تبلغ فيه يمكن يوصلوا ل اي حاجه . .
وقفت بره القسم وطلبت من العسكري الي بره انها عاوزه تبلغ عن حاله إختفاء و عاوزه تقابل رئيس المباحث . .
دخل العسكري و اتكلم مع رئيس المباحث ان فيه واحده عاوزه تقا**ه عشان تبلغ عن حاله إختفاء . .
_ خليها تستني بره شوية مش شايفني لسه بفطر . .
فضلت واقفه بره مستنياه يخلص اكتر من نص ساعه وبعد كده العسكري قالها تدخل عشان تقدم البلاغ وتحكي التفاصيل للظابط جوه . . . .
دخلت زينه جوة وهي مرتبكه كانت اول مره في حياتها تدخل قسم شرطه . .
= تعالي اتفضلي اسمك لو سمحتي و سنك و عاوزه تبلغي عن مين و مختفي من كام يوم . .
_ اسمي زينه و عندي ٢٢ سنه و عاوزه ابلغ عن اخويا مختفي من امبارح المغرب . .
= طفل يعني عنده كام سنه . .
_ لا مش طفل عنده ٢٦ سنه . .
= هو حضرتك بتهزري يا آنسه جايه تدوري علي شاب عنده ٢٦ سنه مختفي من امبارح المغرب ما يمكن سافر مع اصحابه ولا راح في اي مكان هنا ولا هنا مانتي عارفه الشباب بيعملوا بلاوي . .
_ لا يا حضرة الظابط اخويا عمره ما بات بره من غير ما يقولنا من ساعه ما بابا اتوفي مستحيل يسيبني انا و ماما نبات لوحدنا كان عالأقل طمنا و الي مخوفنا اكتر ان تليفونه مقفول .
= طيب متعرفيش ارقام اصحابه الي بينزل معاهم او عنوانهم .
_ لا والله منا لو كنت اعرف كنت رحتلهم علي طول و مجتش ولا أزعجت حضرتك خالص . .
= لا والله مفيش إزعاج ولا حاجه بس انا مش هقدر اعمل محضر رسمي غير لما يعدي علي الإختفاء ٢٤ ساعه كاملين وان شاء الله يكون ظهر من هنا للمغرب . . .
_ ارجوك يا حضرة الظابط انا حاطه كل املي في حضرتك انك هتساعدني احنا ملناش اي حد غير زين اخويا اترك بسرعه جايز ان الوقت ميبقاش في صالحنا . .
= والله يا استاذة زينه انا نفسي اساعدك بس دا قانون ولازم انفذه مش هقدر اتحرك ولا اساعدك غير بعد ٢٤ ساعه من الإختفاء عالعموم دا رقم تليفوني لو وصلتي ل اي حاجه ياريت تبلغينا في اسرع وقت وانا النهارده المغرب هستني منك تليفون وإن شاء الله يكون رجع ولو مكنش رجع هستناكي تشرفينا تاني آخد منك بعض البيانات و نعمل الإجرائات وإن شاء الله هنتحرك في اسرع وقت . .
_شكرآ جدا لحضرتك . . . .
مشيت زينه من عند الظابط و هي حاسه انها تايهه مش عارفه تقول ايه ل مامتها ولا تعمل ايه ماشيه فالشارع مش عارفه تسأل مين علي زين . .
تليفونها رن وهي بتطلعه بقت تدعي يكون زين او خبر حلو عنه بتبص مين بيتصل لقت مامتها . .
_ ايه يا زينة عملتي ايه لقيتي اخوكي ولا لا طمنيني يا بنتي . .
= هلاقيه يا ماما ان شاء الله متقلقيش . .
_ يبقي ملاقيتهوش يا زينه انا حاسه ان اخوكي فيه حاجه يا بت انا قولتلك انا قلبي مش متطمن والله يا زينه . . .
= ليه بتقولي كده يا ماما ان شاء الله زين هيرجع وهيكون جنبنا هو اكيد مع حد من اصحابه ومعندهوش شاحن يشحن تليفونه . .
_ و اصحابه دول معهمش تليفونات يتصل يطمنا عليه لا يا زينه اكيد اخوكي واقع في مشكله كبيرة . .
= انا جيالك دلوقتي يا ماما عشان نشوف هنعمل ايه بالظبط . .
مشيت زينه لحد بيتهم و هي طالعه قابلت الحاجه مني . .
_ ايه يا بنتي وصلتي ل حاجه بخصوص زين طمنيني . .
= ولا اي حاجه والله يا حاجه ادعيلي الاقيه احسن ماما هيجرالها حاجه وبتقولي انا حاسه ان اخوكي حصله حاجه . .
_ لا بعد الشر يا بنتي هو اكيد في مكان مع اصحابه و مفيش شبكه هناك ولا حاجه . .
= ربنا يستر بقي والنبي لو عرفتي اي حاجه عنه او حد جه سأل عليه بلغيني علي طول يا حاجه مني . . .
_ حاضر يا بنتي من عنيا . .
طلعت زينه فوق عشان تشوف مامته خبطت عالباب و مامتها فتحت وزينه لقت مامتها مموته نفسها من العياط . . .
_ مالك بس يا ماما فيه ايه فيه حاجه حصلت ولا ايه . . .
= اخوكي فين يا زينه انا حاسه ان ابني فيه حاجه هاتيلي اخوكي يا زينه دا عمره ما عملها راح فين بس كل ده ومش مطمنا عليه كده برضو يا زين لما تجيلي بس . .
_ ان شاء الله عيرجع يا ماما متعيطيش بالله عليكي . .
= انا هنزل قسم الشرطه اعمل بلاغ ان ابني مختفي و مش لقياه انا مش هفضل قاعده حاطه ايدي علي خدي كده . .
_ استني بس يا ماما مانا رحت بلغت انه مختفي والظابط قالي لازم يعدي ٢٤ ساعه وساعتها نقدر نفتح محضر . . .
= يعني انتي كمان بلغتي شوفتي انتي قلقانه زيي ازاي ومش عاوزه تبيني انتي حاسه ب الي انا حاسه بيه صح يا زينه . .
_ لا يا ماما انا نزلت تحت و مبقتش عارفه اروح فين ولا ادور علي زين فين انتي عارفه انا معرفش ارقام ولا عناوين اصحابه فا ملقتش قدامي غير قسم الشرطه . .
= ايوة و عملتي ايه هناك بقي والظابط قالك ايه بالظبط . .
_ انا حكيتله و هو استغرب اني جاية ابلغ وهو شاب يعني عارف هو بيعمل ايه و لما لقاني م**مه عالبلاغ قالي اجيله علي اخر النهار ياخد مني المعلومات عشان دا روتين قانوني وطمني قالي ان الموضوع مش مقلق يعني يا ماما و ان شاء الله هيظهر دا حتي اداني رقمه عشان لو فيه اي حاجه حصلت
= ربنا يستر يا بنتي يارب جيب العواقب سليمه يارب . .
انا هحاول اتصل ب اخوكي تاني جايز تليفونه يكون اتفتح ولا حاجه . . . .
قعدت تحاول تتصل بيه كتير لكن من غير اي نتيجه نفس الكلام التليفون مققول و زين ملوش اي آثر للأسف . .
فضلوا قاعدين علي اعصابهم لحد المغرب و زين ملوش اي اثر ولا حتي اتصل مكالمه واحده يطمنهم عليه . . .
_ انا نازله يا ماما رايحه قسم الشرطه تاني عشان اشوف هعمل ايه عشان متأخرش . .
= استني يا زينه انا جايه معاكي متروحيش لوحدك . .
_ لا يا ماما خليكي هنا احسن زين يجي و ميلاقيش حد يقوم يمشي تاني مينفعش نسيب البيت لوحده يا ماما خليكي انتي قاعده استني زين . .
= عندك حق فعلا يا بنتي انا هقعد هنا استني ابني يارب يجي دلوقتي و يرجع ل حضني تاني . .
راحت زينه علي قسم الشرطه عشان تشوف هتعمل ايه و بلغت العسكري يبلغ رئيس المباحث انها جت علي المعاد الي قالها عليه . . . والعسكري طلعلها بره وطلب منها تدخل و ان رئيس المباحث مستنيها جوه . .
_ اتفضلي يا استاذة زينه عاوزه تعملي بلاغ ب اسم مين . .
= زين احمد السيد عنده ٢٦ سنه نزل امبارح المغرب وتليفونه اتقفل واتقطعت اخباره . .
_ طيب ايه خلاكي تقولي انه اختفي ما يمكن مع حد من اصحابه او حتي صحباته متشكيش انه مع واحده مثلا . .
= لا يا حضرة الظابط اخويا مش بتاع الكلام ده احنا ناس نعرف ربنا كويس مستحيل زين يعمل كده طبعا . . .
_ طيب هو ليه اعداء او بتاع مشاكل مثلا ممكن يكون اتخانق معاهم حصله اي حاجه او خدوه عالقسم . .
= زين عمره ما عمل مشاكل مع اي حد حضرتك نفسك لو عرفته هتحبه جدا ومستحيل يكون سابنا و مشي دا اخويا وانا عرفاه كويس اوي . .
_ والله من كلامك دا انا نفسي بقيت عاوز اتعرف عليه . .
= طيب جربتي تسألي في المستشفيات والاقسام . . .
_ لا انا معرفش مكان حاجه خالص انا بس يادوب كنت بروح الجامعه و برجع و زين كان بيعمل كل حاجه ويجيبلنا كل الطلبات انا عمري منزلت جبت حاجه يا حضرة الظابط . .
= شريف انا اسمي شريف عشان تعرفي تتابعي القضية معايا ومتتلغبطيش فالأسم وخليكي حفظاه كويس عشان بعد كده تعرفي تدخليلي بسهوله عالعموم انا ههتم جدا بالقضيه دي ومش عاوزك تقلقي خالص انا هبذل اقصي جهدي حقيقي . . .
خليكي معايا علي تليفون انا اديتك رقمي الشخصي وهاتيلي رقمك عشان لو فيه اي حاجة هكلمك علي طول ومتضطريش تيجي كل شويه . . .
_ انا متشكره جدا ليك حضرتك انسان زوق جدا يارب حضرتك تلاقيه عشان ماما تعبانه جدا وهيجرالها حاجه من ساعتها . . .
= ان شاء الله هلاقيه و هكلمك ابشرك . . .
خرجت زينه من عنده وهي كلها آمل انه يلاقيه فعلا وميكنش جراله حاجه وعندها امل انها هترجع البيت تلاقيه موجود . .
بس كلام شريف آثر فيها وراحت تسأل في اقرب مستشفيات جنبهم جايز لقدر الله يكون عمل حادثه او اي حاجه حصلتله . .
وصلت اول مستشفي وبدأت تسأل فالريسبشن تحت . .
_ سلام عليكم لو سمحتي انا بسأل عن شاب هو فيه اي شاب جالكم هنا امبارح بليل او النهارده عامل حادثه انا اخويا مختفي من امبارح اسمه زين احمد السيد محدش جالكم بالمواصفات دي خالص او شوفتوه من امبارح . . .
= لا الحقيقه احنا مجلناش حوادث خالص امبارح بس ممكن تسيبي رقمك لو فيه اي حاجه انا هتصل بيكي متقلقيش . . .
_ شكرا جدا ليكي انا سيبتلك رقمي اهو اوعي تنسيني بقي . .
سابت المستشفي و راحت واحده تانيه جنبها عشان تسأل وعندها امل انها تلاقيه وفي نفس الوقت خايفه يكون حصله حاجه. .
_ سلام عليكم لو سمحت كنت عاوزه اسأل عن شاب مختفي من امبارح اخويا هو فيه اي حد جالكم امبارح بليل او النهارده شاب عنده ٢٦ سنه واسمه زين احمد السيد . .
= الحقيقه فيه شاب جه امبارح الفجر كده بس مكنش معاه بطاقه ولا باين عنده كام سنه لأنه كان متبهدل ووشه مش باين منه حاجه من الدم الي عليه اطلعي فوق حضرتك اسألي و إن شاء الله يكون كويس . . .
طلعت زينه فوق تجري زي المجنونه وقلبها بيدق وحاسه انه اخوها سألت الدكاترة فوق و قالولها انه لسه داخل عمليات دلوقتي حالا و عنده نزيف عالمخ . . .
فضلت واقفه مستنيه بره والدكتور خرج بينادي ويقول احنا محتاجين متبرع بالدم حالا فصيلته o+ وهنا شكها بدأ يزيد لأنها نفس فصيله اخوها و فصيلتها هي كمان . . .
_ انا دي نفس فصيلتي انا هتبرع . . .
= طيب تعالي بسرعه كل دقيقه علي حياته بتشكل خطر كبير جدا المريض حالته حرجه . . .
اتبرعت زينه بالدم وهي كلها امل انهم ينقذوه ويطلع اخوها . .
فضلت قاعده علي اعصابها اكتر من ساعه وفجأه تليفونها رن مامتها بتتصل . .
_ الو ايوة يا زينه انتي فين كل ده يا بت لقيتي اخوكي ولا لا . .
= لسه يا ماما ملقيتهوش والله ان شاء الله هلاقيه انا بسأل عليه فالمستشفيات اهو يارب الاقيه . . .
_ مستشفيات ايه اخوكي جراله حاجه يا زينه ولا ايه. . .
= لا يا ماما مجرالوش حاجه انا قولت اسأل زياده تأكيد بس . .
_ طيب لو وصلتي ل اي حاجه اتصلي بيا طمنيني انا قاعدة علي اعصابي هنا . . .
قفلت مامتها والدكتور خرج . .
_ طمني يا دكتور . .
= الحمد لله لحقناه علي اخر لحظه و بفضل ربنا ثم انتي انقذناه . . هو يقربلك ايه صحيح . . .
_ الحقيقه انا بدور علي اخويا وحاطه امل انه يطلع هو ممكن تدخلني ابص عليه من بعيد اعرف بس هو اخويا ولا لا . .
= هي الزياره م***عه بس انا هدخلك دقيقه بس تتأكدي لو كان هو ولا لا بس لازم تعقمي نفسي الأول . .
دخلت عقمت نفسها ولبست الكمامه والبالطو المشمع ودخلت هي والدكتور تبص في وش المريض الي كان واضح عليه انه عامل حادثه كبيرة اوي . . .
_ هاا هو اخوكي ولا لا . . .
= لا يا دكتور دا حتي مش شبهه خالص في اي حاجه . .
_ اكيد ربنا الي جابك هنا فالوقت ده عشان تتبرعيله بالدم وتنقذيه انا متشكر ليه و هو لما يفوق اكيد هقوله عليكي انك انقذتي حياته و إن شاء الله تلاقي اخوكي سيبي رقمك فالريسبشن تحت عشان لو فيه اي حاجه نكلمك تيجي علي طول . . .
= انا متشكرة جدا لحضرتك . . .
نزلت زينه تحت و سابت رقمها علي امل ان اي حد يتصل بيها. .
بقت ماشية فالشارع مش عارفه تروح فين ولا تعمل ايه ملقتش حاجه قدامها غير انها تروح البيت . . .
وهي ماشية فالشارع طلعت تليفونها تدور فالارقام يمكن تلاقي اي حاجه او اي رقم متسجل يوصلها لحاجه وهي بتقلب فالارقام لقت رقم اخت واحد صاحبه من زمان اوي قالت تتصل بيها يمكن توصل ل ايه حاجه توصلها ل زين . .
_ الو ازيك يا اية . .
= ايوة مين معايا . .
_ انتي اكيد مش فكراني انا زينه اخت زين صاحب اخوكي انا اسفه اني بتصل فجأه كده والله . . .
= لا ولا يهمك انا اسفه اصل كل الارقام اتمسحت من عندي فا معرفتش صوتك احنا بقالنا كتير متكلمناش . . عامله ايه يا زينه . . عاش من سمع صوتك . .
_ انا مش كويسه خالص يا ايه زين اخويا مختفي من امبارح مش لاقينه خالص وعندي امل اخوكي يوصلني ل اي معلومه ليه مفيش حد غيرك قدامي كلميه اسأليه عليه . . . . .
= حاضر والله متقلقيش ان شاء الله خير انا تحت مع خطيبي و اول ما اروح هتصل اطمنك قالي ايه . .
_ ماشي انا مستنياكي اوعي تنسي . .
. . . . د
= لا متقلقيش هروح علي طول و اتصل بيكي . .
زينه فضلت ماشيه فالشارع مش عارفه تروح فين و ملقتش فيه امل قالت تروح البيت تقعد مع مامتها تواسيها لحد ما يلاقوا زين او حد يتصل بيها يقولها اي خبر عنه . . .
كتابات ل ghada saeed . . . . ..
راحت عالبيت ولما دخلت الشارع محمد صاحبه وقفها . . .
_ طمنيني يا زينة وصلتي ل زين ب اي معلومه انا قلقان عليه من ساعه ما قولتيلي هيكون راح فين دا عمره ما عملها . . . . .. .
= ولا اي حاجه يا محمد زين اختفي انا عندي امل حد من اصحابه يظهر دول الي هيقدروا يوصلونا ليه . .
_ انتي معكيش رقم حد منهم ولا عارفه هما ساكنين فين حتي . . . . . . .
= انا معرفش اي حد منهم انت عارف زين مكنش بيخلينا انا و ماما نختلط ب اصحابه خالص ولا عمري اتكلمت مع حد فيهم .
_ ان شاء الله يظهر النهارده او بكرة بالكتير وانا لو عرفت اي حاجه هاجي اقولك علي طول متقلقيش كلنا هنا معاكي انا هروح الف فالشارع هنا والشوارع الي حوالينا يمكن ح
يوصلني ل اي معلومه او حد يكون شافه مثلا . . . . . . . .
= يبقي كتر خيرك يا محمد والله انا رجلي مش شيلاني من اللف عالمستشفيات من الصبح و موصلتش ل اي حاجه خالص .
سابته ورايحه عالبيت الحاجه نادية وقفتها . . . . . . .
_ طمنيني يا بنتي لقيتوه . .
= لا والله ملقيناهوش ادعيلنا . . . . . . . . .
_ انا شيفاه وهو نازل كان بيتكلم فالتليفون وبيضحك كان شبه البدر المنور بس معرفش كان بيكلم مين وواضح انه كان مبسوط اوي مع الي بيكلمه ربنا يا بنتي يرجعهولكم سالم غانم .
= يارب يا حاجه لو وصلتي ل اي خبر عنه قوليلي بالله عليكي .
_ حاضر يا بنتي انا هحاول برضوا اتصلك ب اصحابي اقولهم علي مواصفاته عشان لو حد شافه يبلغنا وهقولك علي طول و إن شاء الله نلاقيه . . . . . . .
= إن شاء الله . . . . . .
فجأه زينه حست انها دايخه وقعدت عالأرض . . . . . . .
_ مالك يا بنتي فيكي ايه . . . . . .
= انا دايخه اوي بس اوعي تعملي اي صوت عشان ماما متحسش دي فيها ال مكفيها . . . . . . ..
_ طب خدي علبه العصير دي اشربيها احسن كده هتقعي خالص و مين هيلاقي زين لازم تقفي علي رجلك يا بنتي . .
= كتر خيرك يا حاجه انا هطلع اشوف ماما عشان سيباها من الصبح لوحدها . . . . . . . . . .
طلعت زينه ووقفت عالباب ولسه بتخبط سمعت . . . . . .
يتبع .
إختفاء
البارت الاول
بقلم / غادة سعيد
- Writer
