Nauna siyang lumabas ng restaurant na pinuntahan nila ni Blake. Hinintay pa kasi nito ang pinabalot niyang pagkain na hindi nila naubos. Katwiran niya, saying. Pwede pa nilang kainin iyon kinabukasan. Nakita niya ang mga taong nagsisigawan habang papalapit. Nakasunod ang mga ito sa ilang mapopormang kalalakihan.
"Prince! Prince! Tingin ka naman dito, Prince!" sigawan habang nagkikislapan ang camera.
Kumaway-kaway ang isang lalaki. Iyon ang nasa malaking tarpaulin kanina. Mas gwapo ito sa personal. Si Prince. Hindi niya maiwasang mangiti. Ang swerte pa din niya at nakikita niya ito sa malapitan. Sumigaw din siya. "Prince!"
Pero hindi iyon narinig dahil tila nalunod lang iyon sa dami ng nagsisigawan. May isang nakapansin sa kanya sa mga kasama nito at itinuro siya. Natigil ang lalaki at n
