عشقت جبروت

البارت الثاني

عشقت جبروت .. الفصل الثاني

ياقوت بصدمة: انت؟

أدهم: اتفضلي يا أنسة مكانك

ياقوت بغضب: وانت مالك انت فاكر اني مقدرش اخد حقي

ادهم بغضب: تصدقي اني غلطان اولعي، يلا يا احمد

أحمد: أدهم ايه اللي بتقوله ده

أدهم بزعيق: أعملها ايه ؟ انا ماشي

ياقوت: في داهية

أدهم بغضب شديد: انتي قولتي ايه؟؟

ياقوت بتحدي: بقولك في داهية ايه مسمعتش؟

أحمد وهشام: يا ليلة سوده

داليا بخوف: يلا نمشي كفاية مشاكل لحد كده يلا

أدهم: انا هوريكي ازاي تتكلمي معايا انا كده

ياقوت بتحدي: وريني

هشام وأحمد بسرعة قبل أن يفقد أدهم أعصابه أكثر: أدهم يلا نمشي

أدهم بزعيق: أنا حتة بنت مفعوصة زي دي تعلي صوتها عليا

ياقوت بغضب: مفعوصة في عينك دا انا هود*ك في داهية

داليا بتوتر: يا بنتي اتأخرنا يلا

أدهم: طب يلا وديني في داهية

هشام: أدهم كفاية كده يلا ارجوك

أدهم لسه هيرد تليفونه رن

أدهم بعصبية: ألو .. ايه؟ انا جاي حالاً

هشام وأحمد مشيوا وراه بسرعة ومش فاهمين ايه اللي حصل

داليا: منك لله يلا نمشي

ياقوت: يلا بس هو فاكر اني هسكت انا هعرفه المفعوصة دي هتعمل ايه

داليا: الله يهد*كي يلا

عند رؤى

أمينة بهدوء: ممكن أعرف كنتي فين كل ده؟ انا مش اتصلت بيكي كتير وقولتلك اخوكي جه وسأل عليكي

رؤى بدموع: كنت مع زهرة بنعمل شوبينج يا ماما وايه يعني لما اتأخر شوية هو انا صغيرة

مؤمن: لا مش صغيرة وعشان كده مينفعش تتأخري برة للوقت ده عشان دي قلة أدب

رؤى: بس انا مبعملش حاجة غلط

مؤمن: وانا واثق فيكي وياريت تكوني أد الثقة دي

عند سمر

غنوة: ماااااماااا

سمر بخضة: في ايه يا غنوة حصل ايه

غنوة بضحك: لا مفيش انا لازم انادي اول ما ادخل بس

أمينة بغضب: تصدقي انك مش هترتاحي انتي وابوكي وأخوكي الا لما تموتوني

غنوة بضحك: بعد الشر عنك يا حبيبتي، قوليلي بقا أحمد سأل عليا؟

سمر: ايوة وقولتله انك مع صحابك

غنوة بتوتر: ليه يا ماما قولتيله كده

سمر بعدم فهم: أومال اقوله ايه انتي مش كنتي مع صحابك؟

غنوة بتوتر: أيوة كنت معاهم بس يعني هو بيضايق لما بخرج معاهم ما انتي عارفة

سمر: عشان مشيهم شمال وعنده حق وانا سايباكي لحد ما تعقلي بمزاجك

غنوة بزهق: ان شاء الله انا طالعة انام تصبحي على خير

سمر: وانتي من اهله ربنا يهد*كي

عند مها

مها بزعل: هتفضل كده واقف في صفه لحد امتى؟

مدحت بزهق: خلاص بقا يا مها في ايه هنجبره يعني يتجوز؟ وقت ما يحب يتجوز يبقى يتجوز انسي الموضوع ده بقا

مها بتفكير: مستحيل لازم يخطب الأجازة دي

عند عمرو

أدهم بسرعة: في ايه يا عمرو

عمرو: ...

أحمد: ما تنطق يابني خضيتنا في ايه؟

هشام: عمرو حصل ايه؟

عمرو: معتز

ادهم بخضة: ماله؟

عمرو: مصاحب شلة صايعة وعرفت من كام يوم انه اشترى شقة هو والشلة دي وبيجيبوا بنات فيها كل يوم وبيشربوا

أدهم بذهول: ايه؟

أحمد بسرعة قبل ان يفقد أدهم اعصابه: طب هو فين دلوقتي يا عمرو؟

عمرو بأسف: مسمعش كلامي بعد ما قولتله مفيش خروج وخرج وجالي تليفون ان بوليس الآداب قبض عليهم في الشقة ومن وقتها وانا مش عارف اتصرف وخوفت اقول لبابا يحصله حاجة

هشام بسرعة: طب يلا بينا

ياقوت: انتي عارفة انا لو شوفت الواد ده تاني هشرحه

داليا بضحك: اتنيلي انا كنت سامعة نبضات قلبك وانتي عاملة نفسك الشحات مبروك

ياقوت بضحك: ايه ده انتي اخدتي بالك

داليا: ههههه هبلة والله افرض كان ودانا القسم كنا هنعمل ايه

ياقوت بغرور: ميقدرش

داليا: ليه ان شاء الله كنتي ماسكة عليه ذلة

ياقوت: هههههههه مش للدرجادي

داليا: طب يلا هشوفك بكرة

ياقوت: باي ي حب

ياقوت: مساء الخير

رحاب بغضب: انتي كنتي فين كل ده

ياقوت بمرح: كنت براجع نفسي اهرب ولا لا

رحاب بغضب: انتي مجنونة يا بت ابوكي قالب الدنيا

ياقوت: ليه

رحاب : عشان اتاخرتي

ياقوت بزهق: اوووف زهقتوني والله انا مهربتش ليه يا ربي

رحاب: يلا مع السلامة

ياقوت بمرح: للي عاوز يمشي المركب اللي تودي مترجعشي هههههه

رحاب بزهق: مفيش فايدة انا داخلة انام

ياقوت: تصبحي ع خير ي لوح قلبي

داليا: مساء الخير

سامي: كل ده عند ياقوت الناس يقولوا علينا ايه

داليا بتوتر: معلش يا بابا الوقت اخدنا

سامي: اومال لو مش مع بعض يوميا

هناء: خلاص يا سامي اهي جت خلاص روحي نامي ي حبيبتي

سامي بغضب: مينفعش كده يا هناء الناس يقولوا علينا ايه

هناء: هما عارفين ان داليا وياقوت روحهم في بعض روق انت

سامي: ع الله

عند معتز

معتز بخوف: انا لازم اخرج من هنا انت عارف لو حد عندي في البيت شم خبر هتعلق

تامر: يابني فكك انا هتصل بابويا دلوقتي يبعتلي المحامي

معتز: محامي ايه دول قضيتين اداب وم**رات

زياد: اهدى يا معتز هنلاقي حل

معتز بخوف: يارب

أدهم بسرعة: كان في شاب جه هنا من شوية اسمه معتز

العسكري: في قضية الاداب والم**رات؟

أدهم بذهول: ايه

عمرو بقلق: ايوة هو فين

العسكري: مرميين تحت في التخشيبة

هشام : طب ممكن نقابل رئيس المباحث

العسكري: لا الباشا مش فاضي

أحمد طلع الكارنيه بتاعه وحطه في وشه

العسكري بخوف: اتفضلوا يا بشوات

أدهم: مش معقول محمود؟

محمود رئيس المباحث: أدهم قام بسرعة وحضنه

واحمد وهشام كمان دا انا الحاجة دعيالي انهارده

أدهم بسرعة: مش وقته يا محمود وحكى له ع اللي حصل

محمود بذهول: معقول معتز اخوك منهم

عمرو باسف: ايوة

محمود: انت عارف انك حبيبي بس انا اسف انا مقدرش اخالف ضميري اخوك ممسوك معاه بنات في الشقة دا غير الم**رات

احمد: طب والعمل؟

محمود بتفكير: مفيش حل غير ان البنات اللي كانوا معاهم يقولوا انهم ميعرفهوش

هشام : والم**رات

محمود: احنا لسه هنحلل لهم ونشوف هما تعاطوا بكمية اد ايه عشان نقدر نحدد

ادهم وهو بيمسح وشه بغضب: تمام انا عاوز البنات دي

محمود: ارتاح وانا هجيبهم

عند معتز

معتز: انا خايف عمرو او ادهم يروحوا اوضتي وميلاقونيش

تامر: اووف كلت دماغ أمي

زياد: ايه ده حد جاي

العسكري: معتز مدحت الأسيوطي

معتز بسرعة: ايوة

العسكري: تعالى رئيس المباحث عاوزك

معتز بسرعة راح معاه

اول ما الباب اتفتح اتصدم ومقدرش يتكلم

مها: ادهم اتأخر اوي وكمان عمرو شكله خرج هو كمان

مدحت: ما تسيبيهم يخرجوا يفكوا شوية من ضغط الشغل

مها بقلق: بس انا قلبي مش مطمن

مدحت: نامي يا مها

ادهم بغضب شديد: معتز

معتز بخوف: أد أدهم

أدهم: الكلام ده صحيح

معتز بأسف: ايوة

أدهم صفعه بقوة على وجهه وسط ذهول الجميع

أدهم: حسابك معايا في البيت لما اخرجك من المصيبة اللي وقعت نفسك فيها دي

احمد: أدهم اهدى عشان تقدر تفكر هتعمل ايه

محمود: خلاص ي جماعه البنات اعترفوا ان تامر السعيد هو اللي جابهم والبودرة اللي معاهم طلعت دقيق

عمرو: الحمدلله

محمود: ياريت تكون اخر مرة أشوفك هنا يا معتز

معتز بايماء: ان شاء الله

خرجوا كلهم وكل واحد اخد عربيته ومشي

عند ياقوت

ياقوت: الواد دا مستفز بس مز اااه شوفتي يا تؤتؤ لما جه وض*ب الواد عشانك دا باينه لينا رقصة ولا ايه ههههههههه اما انام احسن

عند أحمد

سمر: لسه بدري يا حضرة الظابط

أحمد: اسكتي والنبي يا ماما دي كانت خروجة ما يعلم بيها الا ربنا

سمر بقلق: في ايه

احمد: مفيش انا طالع أنام تصبحي على خير

سمر: وانت من اهله

عند هشام

فتح الباب فجأة على رؤى

رؤى بخضة: في ايه مش تخبط حد يدخل كده

هشام بشك: اسف فكرتك نايمة

رؤى بقلق: انا كنت جعانه ولسه مخلصة اكل وهنام

هشام: اوك تصبحي على خير

رؤى: وانت من اهله

بعد ما هشام خرج تنفست الصعداء

رؤى: كنت هموت قلبي كان هيقف

مالك: الف سلامة عليكي يا بيبي

رؤى: انا بترعب طول ما هو موجود

مالك: مش عاوزك تخافي طول ما انا معاكي

رؤى: ربنا يخليك ليا يا روحي

مالك بخبث: هتيجي بكرة؟

رؤى : لا اخاف اتاخر زي انهارده ويحصل مشكلة

مالك: متخافيش مش هأخرك وعد

رؤى: هفكر واقولك يلا تصبح ع خير

مالك: وانتي من اهله ي حبيبي

عند أدهم

عمرو: انا مش هعديلك اللي حصل ده يا معتز

أدهم: عمرو من فضلك روح اوضتك عاوز اتكلم معاه شوية

عمرو: حاضر

أدهم : عاجبك الفضايح اللي عملتها دي يا بيه؟

معتز بخوف: انا اسف

أدهم بهدوء: أسف دي هتفيدني بايه بعد اللي حصل

معتز بأسف: ....

أدهم: تمام مفيش خروج تاني من البيت واعرف ان كل نفس هتتنفسه هعرف واي غلطة هتعملها هيكون عقابك عسير مفهوم

معتز بقلق: مفهوم

أدهم راح أوضته وفجأة جه على باله العنيدة اللي وقفت قصاده في السينما وابتسم بتلقائية

أدهم: مجنونة والله

تاني يوم الصبح

أدهم صاحي بدري كالعادة بيأدي التمارين الرياضية بتاعته

مها: يلا يا دومي الفطار جاهز

أدهم: حاضر يا ماما

مها: معتز؟ غريبة صاحي بدري يعني من غير ما حد صحاك

عمرو بضحك: أصل الباشا بنفسه اللي صحاه

مها: ههههه أدهم والله كتر خيره

مدحت: صباح الخير

كلهم: صباح النور

أدهم: يلا افطر يا معتز عشان أوصلك الجامعة

مها بذهول: ايه ؟ هتوصله ليه ما يروح لوحده هو صغير

أدهم: انا رايح مشوار في طريقه هاخده معايا

عمرو: يلا يا بابا انا رايح الشركة باي

معتز: بابا انا محتاج مبلغ لان الكريدت كارد بتاعتي مش هتكفي

ادهم: ليه

معتز: هصلح العربية واحد خبطها امبارح

مدحت اوك هحولك فلوس عليها انهارده

أدهم: متشغلش بالك يا بابا انا هصلحهاله، يلا عشان متتأخرش

معتز: حاضر

مها: غريبة معتز مبيحتجش ولا حاجة

مدحت: ربنا يهديه

مها: يارب

عند ياقوت

ياقوت: مش قادرة أتحرك ضهري واجعني اوي

داليا: يابنتي هنتأخر انجزي

ياقوت: والله هبطانه اوي

داليا: خلاص همشي انا عشان متأخرش باي

ياقوت: باي

اما اقوم ارقص شوية يمكن ضهري يفك

عند أحمد

سمر : ايه يا حبيبي صاحي بدري ليه

أحمد: ما انتي عارفة يا ماما التعود بقا

سمر: ربنا معاك ي قلبي هتعمل ايه انهارده؟

أحمد: مفيش ممكن اخرج شوية وخلاص

غنوة: صباح الخير يا حمادة وحشتني اددد كده

أحمد بضحك: هههه بكاشة اوي

غنوة: والله بجد واحشني

أحمد: وانتي كمان وحشاني اوي جيتي امتى امبارح

غنوة بتوتر: اااا جيت بعد ما انت خرجت ع طول

أحمد: طب تاني مرة مفيش تأخير كده

غنوة: حاضر يلا باي

أحمد: على فين

غنوة: رايحة الجامعه

أحمد: استني اوصلك

سامر: وربنا ابدا انا اللي اوصلها

أحمد: حبيبي حمدلله ع السلامة حضنوا بعض في عناق كبير

سامر: وانت كمان وحشتني اوي حمدلله ع السلامة ي وحش

أحمد: الله يسلمك ي قبطان طمني عليك اخبارك ايه

سامر: انا تمام الحمدلله انت عامل ايه

غنوة: طب وانا شفافه يعني

سامر بضحك: تصدقي مخدتش بالي

غنوة: شكرا يا سيدي يلا انا ماشية

احمد: استني هوصلك

غنوة: ملوش لزوم عشان متأخرش يلا باي

كلهم: باي

عند هشام

أمينة: هشام خد رؤى وصلها المدرسة لاني مستعجلة ومش هلحق

هشام: حاضر

رؤى: صباح الخير اومال ماما فين

هشام: صباح النور، ماما مشيت يلا عشان اوصلك

رؤى: خلاص انا هروح لوحدي

هشام: وانا فين يعني يلا

رؤى بزهق: حاضر

ياقوت: الو ايه يا دعاء

دعاء: مش هتيجي ولا ايه احنا رايحين نصور انهارده الحفلة اللي في الجامعة الامريكية

ياقوت: يا لهوي انا كنت نسيت خالص

دعاء: البسي وتعالي بسرعة

ياقوت: طيب يلا باي

ادهم: شايف عربيتك كويسة مفيهاش حاجة

معتز: ااه اصلها كانت حاجة بسيطة

ادهم: طب يلا

ياقوت نازلة بتجري عربية كانت هتخبطها ارتبكت وحاجتها كلها وقعت ع الارض

ياقوت بعصبية: مش تفتح يا غبي

ادهم: انتي تاني؟...

ياقوت بصدمة: انت؟..