عشقت جبروت

البارت الأول

عشقت جبروت .. الفصل الأول

تعريف شخصيات الروايه

أدهم مدحت الأسيوطي

ضابط بالقوات المسلحة يبلغ من العمر 27 عاما يتميز ب*عره الاسود الناعم والعيون العسلية ذات النظره العميقه والملامح الرجوليه شديدة الوسامه وجسده الرياضي القوي وشخصيته القويه المسيطره، من عائلة مرموقة في المجتمع والده صاحب أكبر شركات للهندسة والمعمار، ووالدته مترجمة في إحدى شركات الترجمة الكبرى، الأكبر بين أشقاؤه له شقيقين عمرو وهو مهندس ويعمل مع والده، ومعتز ومازال يدرس في الجامعة الأمريكية بيزنيس وإدارة أعمال في الفرقة الرابعة.

ياقوت توفيق

تبلغ من العمر اثنان وعشرون عاما تتميز بطولها المتوسط وجسدها النحيف بعض الشيء ووجها النقي شديد الجمال والنقاء بعيونها البني الغامق وشعرها الاسود الطويل شديد النعومه والجمال، من طبقة متوسطة تدرس في كلية الإعلام تعشق التصوير لذلك قررت أن تكون مصورة صحفية بعد الدراسة، لديها 3 أشقاء، يوسف شقيقها الأكبر ويعمل محاسب في الاسكندرية، وسها التي تعمل بالمرسم الخاص بها، وأمير مازال طالب بالثانوية العامة، والدهم يعمل مدرس رياضيات ووالدتها مدرسة أيضا لغة عربية.

لارا العمري

تبلغ من العمر ثمانيه وعشرون عاما فتاه ارستقراطيه من الطبقه المخمليه، لا تعمل وتعتمد على والدها فهي من

عائلة تتميز بالغرور الشديد وحب التملك.

داليا

صديقة ياقوت منذ الصغر ولكنها في كلية صيدلة لديها جسد نحيف جدا، تتميز بعيونها الواسعة السوداء ورموشها الكثيفة، وقصر قامتها.

أحمد

يبلغ من العمر 27 عاما يتميز بالجسد الرياضي القوي والعيون الرمادية والبشرة البيضاء والطول المميز والشعر الأ**د، والده يعمل مستشارا كبيرا ووالدته دكتورة، لديه أخ ويدعى سامر، وأخت وحيدة تدعى غنوة، يعمل سامر قبطان فهو خريج الكلية البحرية، وغنوة مازالت تدرس في كلية العلاج الطبيعي.

هشام

يبلغ من العمر 27 عاما يتميز بطول القامة والجسد الرياضي الشديد والعيون الزرقاء كالسماء الصافية، يعمل والده طبيب جراح، ووالدته محاسبة، لديه أخت وحيدة تدعى رؤى ومازلت في الثانوية العامة.

الرواية

في صباح يوم جديد منعش بالحيوية والنشاط يستيقظ بطلنا "أدهم" بحماس كبير فهو اليوم أخيرا سيأخذ أجازة ويعود لأهلة وأصدقاؤه، أدهم وهو يحضر شنطته.

أدهم: ياااه أخيراً هروح البيت بقا حياتي بره وحشتني اوي.

هشام: والله يا بني عندك حق الواحد نسي الناس عايشة ازاى بره من كتر ما بنقعد هنا هههههههههه.

أحمد: افضلوا ارغوا لحد ما اليوم يضيع ويتحسب اجازة وخلاص ما تنجز يا بني انت وهو خلينا نمشي عشان نلحق اليوم من أوله.

كلهم في نفس واحد معاك حق يلا بينا.

استعدوا الثلاثي للعودة مرة أخرى إلى حياتهم الجميلة كما يتوقعون أجازة لمدة 10 أيام.

بتغني وهي بتلبس عشان تروح الجامعة بالتأكيد داليا منتظراها كالعادة وهي بتتاخر على مواعيدها

ياقوت: وداع يا دنياااا ودااااع على اللي باع ومكملشي الحياة لو بيك أو من غيرك دي هتمشي.. سلام يا حب سلام معتش غرام مفيش راااحة لو..

رحاب والدتها: يابنتي اخلصي بقا هتتأخري انتي كل يوم كده؟

ياقوت بضحك: ياماما دي شوية تفاريح قبل ما اروح واتنكد في الكلية الهباب دي

رحاب: طب يلا عشان متتأخريش على داليا أكتر من كده وخلي بالك من نفسك.

ياقوت: حاضر

اما انزل للبت داليا دلوقتي دماغها بتطلع نار مني هههههههه

...............................................................................

مها: يلا يا سعاد انتي لسه مخلصتيش أدهم على وصول عاوزاه ييجي الأكل يكون جاهز.

سعاد: حاضر يا مدام نص ساعة والاكل يكون جاهز.

مها: اوك.

ليأتي لها اتصالا هاتفيا

مها: الو حبيبي اوعى تقول عندك شغل ومش جاي ع الغدا انت عارف ان ادهم جاي انهاردة ومفيش اعذار تنهي كل شغلك حالا.

عمرو بضحك: طب اديني فرصة اقول الو طيب

مها: انا مبهزرش يا عمرو

عمرو بضحك: حاضر يا ست الكل انا جاي بس كنت عاوزك تصحي المتخلف اللي لسه نايم ده عشان بكلمه مبيردش

مها: معتز؟ ما انت عارف انه مبيصحاش دلوقتي عاوزه ليه؟

عمرو: محتاجه يخلصلي شوية شغل عشان مضغوط انهارده شوية

مها: حاضر ي حبيبي هصحيهولك حالا

عمرو: تسلميلي ي قمر يلا باي مؤقتا

مها: مع السلامة ي حبيبي

................................................................................

داليا بغضب: تصدقي انك معندكيش دم واقفة بقالي ساعة يا شيخة منك لله

ياقوت بضحك: يابنتي انتي ايه بالعة راديو اهدي شوية منا جيتلك خلاص اهه

داليا: لا والله لا كتر خيرك بجد

ياقوت: شوفتي بقا اشكريني يلا

داليا بغضب: امسي يا ياقوت عشان متغاباش عليكي

ياقوت بضحك: هههههه خلاص ماشية اهه دا انتي نرڤوزة اوي

...............................................................................

مها: معتز ميزو قوم ي حبيبي بقا اخوك عاوزك

معتز: يوووه يا ماما مش معقول كل يوم كده هو ابنك كل يوم محتاجلي ما عنده مليون موظف يعملوله اللي هو عاوزه

مها بغضب: معتز هتقوم ولا اتصل بباباك دلوقتي؟

معتز بغضب: خلاص اتنيلت صحيت اووف

مها: أدهم جاي انهارده خلص شغل ع طول وتيجي عشان نتغدى مع بعض

معتز بايماء: حاضر

................................................................................

أدهم: عاوزين نخرج انهارده نسهر مع بعض انهارده ايه رأيكوا يا رجالة؟

أحمد: اتفقنا هنسهر فين؟

هشام: عاوزين نروح مكان كله نسوان انا نشفت من الصحرا اللي احنا فيها دي

أدهم بضحك: يابني احترم نفسك ايه الالفاظ دي

أحمد بضحك: اسمهم مزز يا غ*ي ههههههه

هشام: هههههه يا عم مزز ولا نسوان المهم حاجة طرية وخلاص

أدهم: خلاص اتفقنا نخرج انهارده ع الساعه 10 كده نروح ...

هشام وأحمد بايماء: تمام يا برو

...............................................................................

معتز: ايه يا سوسو الأكل دا كله انتوا عازمين الجيش بأفراده ولا ايه هههههههه

مها بغضب: يلا يا لمض روح شوف اخوك وبسرعة الاقيكوا قدامي

معتز بخضة: يا ماما حرام عليكي انتي هتقطعيلي الخلف والله هههههههه

مها بغضب: يلا يا معتز

معتز: حاضر يا مزة سلام

مها: مزة؟ متربتش والله

سعاد: ههههههه كل يوم كده ناقر ونقير

مها: أعمل ايه في الواد دا هيشلني

سعاد: بكرة ربنا يهديه ببنت الحلال اللي تسعده وتعقله

مها برجاء: يارب افرح بيهم هما التلاته

أدهم من الخلف: يعني عاوزة تفرحي بميزو قبل دومي دا حتى عيب في حقي وانا الكبير

مها بفرحة: حبيب قلبي وروحي وحشتني اوووووي يا دومي

أدهم: وانتي كمان وحشتيني أوي يا قلب دومي، ايه يا ماما الحلاوة دي انا كل اجازة ألاقي مزة عن اللي قبلها

مها بضحك: والله ل**نك انت واخوك ده عاوز يتقطع

أدهم بضحك: اخويا أه لكن انا مالي يا لنبي ههههه

مها : مفيش فايدة ههههههه حمدلله ع السلامة ي حبيبي يلا اطلع غير هدومك وتعالى عشان نتغدى مع بعض لحد ما بابا واخواتك يوصلوا

أدهم: حاضر عن إذنك

...............................................................................

ياقوت: أنا عاوزة أخرج انهارده يا داليا مليش دعوة انا اتخنقت من البيت والخمسة سته اللي احنا منهم دول

داليا بضحك: ههههههه والله ابغي أقولك وانا كمان بس أستحي

ياقوت بتفكير: انا جتلي فكرة

داليا بشغف: ايه هي؟

ياقوت بخبث: احنا هنخرج انهارده على اساس اني جيالك وانك تعبتي اوي انهارده وروحتي ولازم اجي اقعد معاكي شوية وانتي كذلك ونخرج نروح سينما ايه رايك؟

داليا: يابنتي دي فكرة غ*ية جدا وتتكشف في ثواني

ياقوت: يابنتي متبقيش بايخة بقا خلينا نخرج شوية ومحدش هيعرف صدقيني

داليا بعد تفكير: ماشي ربنا يستر

ياقوت: نفسي اقابل فارس أحلامي بقا خليني أغني حبيتك بالتلاته سهرانه بتاع يومين

داليا بضحك: هو دا أقصى طموحك والله انا مصاحبة مجنونة يلا محاضراتك هتبدا نتقابل لما نخلص سلاام

ياقوت: سلام

...............................................................................

أحمد: بخخخخخخ هههههههه

سمر والدته بخضة: اخص عليك يا أحمد كل مرة تخضني كده

أحمد بضحك: سوري يا ماما لقيتك مندمجة أوي في التقرير اللي في ايدك قولت افصلك هههههه

سمر بضحك: مفيش فايدة فيك، وحشتني اوي يا حيوان انت كل دي غيبة عليا ايه سمورة موحشتكش؟

أحمد: موحشتنيش ايه بس دا انتي لو مراتي مش هفكر فيكي كده

سمر بمرح: قليل الادب زي باباك

أشرف والده: ماله باباه يا أم أحمد

سمر بخضة: شوفت حتى انت بتخضني زيه انا مش هقعد معاكوا تاني

أشرف وأحمد بضحك: ههههههههه استني بس

أشرف: وحشتني يا بطل حمدلله ع السلامة

أحمد بحب: وانت كمان وحشتني أوي يا بابا الله يسلمك، أومال سامر وغنوة فين؟

أشرف: سامر مسافر في شغل وهييجي بكرة وغنوة مع صحابها زمانها جاية

أحمد: طب انا هطلع اغير هدومي واخد شاور لاني هلكان من السفر

أشرف: اطلع يا حبيبي ربنا معاك

...............................................................................

هشام: ماماااااااااا

امينة بفرحة: حبيبي قلبي انت جيت

هشام: لا لسه في المعسكر وبعتلك خيالي

أمينة بغضب: بتتريق على امك يا اتش

هشام بضحك: أسئلتك غريبة يا ماما ما انا واقف قدامك اهه

أمينة: دا تعبير مجازي ي غ*ي اني مش مصدقة انك هنا فهمت؟

هشام بضحك: هههههه فاهم ي حبيبي اومال بابا ورؤى فين؟

امينة: بابا في المستشفى كالعادة ورؤى خرجت مع صحابها

هشام بغضب: انا مش قولتلك مينفعش رؤى تخرج كتير كده يا ماما رؤى كبرت ومينفعش الحرية الزيادة دي

امينة بتفهم: عارفة يا حبيبي بس هي مبتعملش حاجة غلط وزمانها جاية مش هتتاخر هنحبسها يعني يا هشام؟

هشام بغضب: لما تيجي حسابها معايا انا طلع اغير هدومي

...............................................................................

اتى الليل على الجميع

عند أدهم..

مها: ما لسه بدري يا عمرو هو دا اتفاقنا؟

عمرو بغضب: اعمل ايه ابنك الغ*ي هو اللي اتاخر واخرنا كلنا

معتز بمرح: طب بس متقولش غ*ي الله

عمرو بغضب: معتتتززز مش رايقلك

معتز ببعض الخوف: اسف سكتت اهه

مها: خلاص خلاص هتتخانقوا قدامي يلا اطلعوا غيروا هدومكوا وانزلوا عشان نتعشى

عمرو ومعتز: حاضر

مدحت: سعاد اطلعي صحي أدهم عشان يتعشى معانا

سعاد: حاضر يا فندم

مها: عاوزين نفاتح أدهم في الموضوع انهارده والبنت المرة دي مش هيتكلم نص كلمة عنها جمال واخلاق وعيلة ونسب يشرف يعني مفيش حجة

مدحت: ان شاء الله بس بردو مش هنضغط عليه

مها بغضب: خليك كده لحد ما يقعد كده من غير جواز

مدحت بضحك: هو بنت خايفة تعنس؟ ما تسيبيه براحتك

مها لسه هتتكلم أدهم نزل على صوتهم

أدهم: بتتوشوشوا في ايه من غيري ههههههه

مدحت: حمدلله ع السلامة يا وحش

أدهم: الله يسلمك يا بابا

نزل عمرو ومعتز وسلموا على أدهم

بدأوا في الشروع في الأكل

مها بخبث: فاكر لارا يا أدهم؟

أدهم بعدم اهتمام: لارا مين؟

مها: لارا بنت أونكل كامل العمري

ادهم بتذكر: اه اه مالها

مها: دي بقت زي القمر كانت مع مامتها امبارح في النادي مش قادرة اوصفلك جمالها وادبها يا دومي و..

عمرو بضحك: بدأنا بقا اسطوانة كل أجازة

معتز بضحك: ههههه وخناقة كل أجازة بردو

أدهم ساب الأكل: يعني عاوزة ايه يا ماما قولتلك مليون مرة مش دي الطريقة اللي هتجوز بيها ارجوكي افهميني بقا

مها بغضب: يعني هتفضل كده لحد امتى انا عاوزة افرح بيك واشوف اولادك قبل ما اموت

ادهم: بعد الشر عنك يا حبيبتي بس بردو مش وقته

مها لسه هتتكلم مدحت وقفها بنظرة معناها كفاية لحد كده

ادهم: انا خارج مع صحابي وهتاخر شوية باي

مها: شايف ابنك

مدحت: انتي مفيش فايدة فيكي قولتلك سيبيه على راحته الله

مها سابت الأكل وطلعت اوضتها

عمرو: معلش يا بابا صالحها انت عارف ماما

مدحت: انا زهقت من الزن ده كل شوية انا خارج

معتز: والله نفسي تعمل كده عشاني وانا مش هديها فرصة وهتجوز فورا

عمرو بضحك: انت مفيش منك امل يا بني اتنيل

معتز: طب مفيش عمر طيب؟

عمرو بغضب: امشي من قدامي يا بارد

معتز بضحك: ههههههه خلاص خلاص انا سايبهالك

عمرو بجدية: على فين

معتز بزهق: خارج مع صحابي

عمرو: لا مفيش خروج وهتطلع اوضتك دلوقتي

معتز بزهق: يا عمرو خارج مع صحابي عادي فيها ايه دي

عمرو: لا انت مش خارج عادي انتوا رايحين لبنات

معتز بدهشة: ايه؟

عمرو: ايه فاكرني مش عارف انت بتعمل ايه كل يوم

معتز لسه هيتكلم عمرو وقفه باشارة بمعنى يسكت ويطلع اوضته

معتز بدون كلام طلع اوضته في هدوء تام

عمرو في نفسه: انا شكلي هربيك من اول وجديد يا معتز

...............................................................................

أحمد: انا خارج يا ماما

سمر: على فين انت لحقت تقعد معانا

أحمد: واعد صحابي نتقابل ونسهر مع بعض

سمر: طيب ي حبيبي خلي بالك من نفسك

أحمد: سلام

...............................................................................

هشام: ماما رؤى نايمة؟

أمينة بتوتر: اه لا اه نايمة

هشام بشك: اه ولا لأ يا ماما

أمينة: اه نايمة جت تعبانة شوية ونامت

هشام: طب انا هطلع اطمن عليها

امينة بسرعة: لالالا سيبها ترتاح ولما تصحى ابقى اقعد معاها

هشام بشك: في ايه يا ماما رؤى مالها

سمر: ....

هشام بصوت عالي: رؤى مالها يا ماما

سمر ببعض الخوف: رؤى لسه مجتش

هشام بدهشة: لدلوقتي؟ انتي عارفة الساعة كام؟ انتي بتسيبيها تخرج لدلوقتي يا ماما وكمان بتكدبي وبتقولي انها نايمة؟

سمر بحزن: مش عاوزاك تتخانق معاها هي زمانها جايه والله

هشام بغضب: لا واضح ان في حاجات كتير بتحصل من ورايا

فتح البابا ودخلت رؤى بهدوء بمجرد ما شافت هشام اتجمدت مكانها ومعرفتش تتكلم

هشام بغضب وصوت عالي اتجه ناحيتها: كنتي فين!

رؤى بخوف: ك ك كنت مع ز ز زهرة صحبتي

هشام: ازاي تخرجي لحد دلوقتي انتي عارفة الساعة كام يا هانم؟

رؤى:الوقت سرقنا وغ غصب عني

هشام: الوقت سرقكوا ؟ كل يوم كده؟ تمام مفيش خروج تاني مفهوم

رؤى ببكاء: عشان اتاخرت شوية تمنعني من الخروج

هشام بصوت عالي: ايوة لانك قليلة الادب انك تفضلي بره لحد دلوقتي

سمر بغضب: هشام اتادب ازاي تقول لاختك كده

هشام بغضب : عشان انتي مدلعاها زيادة عن اللزوم ولازم يبقى في limit عن كده

دكتور مؤمن والد هشام: في ايه ايه اللي بيحصل هنا؟

هشام: بابا حمدلله ع السلامة

مؤمن: الله يسلمك ي حبيبي في ايه مالك؟ مالك يا رؤى؟

هشام: الهانم لسه جاية من برة دلوقتي

مؤمن بدهشة: ايه ازاي تفضلي بره لحد دلوقتي كنتي فين

رؤى بخوف: كنت مع زهرة

مؤمن بغضب: زهرة ايه دي اللي لحد دلوقتي مفيش خروج تاني بالشكل ده مفهوم؟

رؤى ببكاء: مفهوم

طلعت رؤى اوضتها ببكاء

سمر: ينفع كده انتوا الاتنين عليها

هشام: ماما ارجوكي دلعك دا هيفسدها ارجوكي خلي بالك منها انا خارج باي.

...............................................................................

ياقوت: يا بنتي متخافيش بقا ما احنا خرجنا اهه وحصلش حاجة

داليا بتوتر: انا خايفة حد يشوفنا تبقى مشكلة

ياقوت بخبث: لا منا عملت حسابي وهنروح سينما...

داليا: يخربيتك دا مشوار

ياقوت: مهو عشان نكون براحتنا ي هبلة

داليا: ربنا يستر يلا بينا

...............................................................................

اتجمع الثلاثي

أدهم: انا مليش مزاج لاي حاجة انهاردة

هشام: وانا كمام مودي زي الزفت

احمد: الله مالكوا انتوا اتطلقتوا ولا ايه

هشام: مش وقت الشاتك ي سي احمد

احمد بجدية: طب حصل ايه؟

أدهم: مشاكل في البيت مشكلة كل اجازة

احمد بضحك: العروسة؟

أدهم: هو في غيرها

هشام بضحك: اتجوز يا بني وريح نفسك

أدهم : بقولكوا ايه تعالوا نروح سينما

أحمد وهشام: اشطا يلا بينا

...............................................................................

ياقوت : الله الفيلم رومانسي اوي انا هعيط من فرط الاحساس

داليا بضحك: حتى تعبيرك اهبل زيك اتف*جي وانتي ساكتة

ياقوت : ياه امتى الاقي فتى احلامي زي البت دي

داليا: هههههه احلمي احلمي

ياقوت: انا هقوم اجيب كافيه لاتيه اجيبلك معايا؟

داليا: تمام هاتي

ياقوت جابت الكافية وماشية بتبص حواليها ومش مركزة وفجاءة خبطت في حد والكافية وقع عليها وقعدت تصرخ

أدهم باسف: انا اسف جدا انا اسف

ياقوت بعصبية: انت اعمى مش تفتح يا متخلف

أدهم بعصبية: تصدقي انك قليلة الادب

ياقوت بغضب: انت اللي قليل الأدب ومش متربي كمان هروح ازاي انا كده دلوقتي منم لله

أدهم : لولا انك بنت انا كنت مديت ايدي عليكي

احمد بتهدئة: خلاص يا أدهم حصل خير احنا اسفين يا انسه

ياقوت بابتسامة: حصل خير عن اذنك

أدهم: بنت قليلة الأدب

أحمد: يا عم اهدى حد يتعامل مع القمر ده كده يلا عشان نلحق الفيلم

داليا: فين يا بنتي الكافية

ياقوت: وقع عليا

داليا بشهقة: ازاي؟

حكت لها ياقوت على ما حدث

داليا: مش قولتلك الخروجة دي مش هتعدي كده اصلها حرام ههههههه

ياقوت : بتهزري انتي كمان دا وقتك؟

ايه القمر ده ما تيجي ونجيب منيجي هههه

ياقوت: لا دا انتوا حالفين اض*ب حد انهارده

الشاب: ماتيجي وهد*كي اللي تؤمري بيه

صفعته ياقوت بشدة على وجهه حتى وقف جمبع من بالقاعة بذهول

الشاب بغضب : انتي بتمدي ايد*ك يا بنت ال...*

ياقوت: ولو طولت ل**نك اكتر هقطعهولك

أدهم : ايه الدوشة دي

أحمد: تقريبا في خناقة تعالى نشوف

ياقوت: دا معايا الحزام الاسود ياض

الشاب بيمسك ايدها ادهم بسرعة ض*بة في وشة وقع ع الارض

ياقوت بدهشة: انت؟

....