Tahimik lang akong nakaupo sa loob ng kotse. Paminsan-minsan ay tinapunan ko ng tingin si Dexter. Nahuhuli ko siyang pangiti-ngiti. Bakas sa mukha ang saya ni Dexter. Sino ba naman ang hindi matutuwa kung kasama mo ang nililigawan mo.
“Kamusta na pala si Kc?” tanong ko.
Diretso lang ang tingin ni Dexter at sumeryoso ang mukha nito.
“Sorry kung naitanong ko,” mahinang sabi ko.
“Okay lang, wala namang masama sa pagtatanong.”
Ibinalik ko ang tingin sa bintana. Binabaybay namin ang kalsada pababa. Siguro ay mamamasyal kami. Napaisip ako na napakaselfish ko para magtanong. Pareho nga pala silang magpinsan na apektado kay Karen at Ethan. Napabuntong-hininga ako.
“Don’t worry. Magiging maayos ang lahat. Makakamove-on din si Kc tulad ko,” dugtong niya.
Nginitian niya ako nang pilit. Ta
