Kumalam ang sikmura ko sa nakahain na mga pagkain. Para bang nahulaan ni Dexter ang gusto kong kainin. Sa sugpo pa lang at alimango ay mabubusog na ako. Sanay akong kumain ng mga seafoods dahil mahilig si daddy at mommy. Nakasanayan kong kumain habang lumalaki ako.
May mga in-order rin na masasarap na ulam si Dexter pero pinakagusto ko ang seafood dahil bihira na lang akong kumain nito. Umupo ako sa silya para saluhan siya sa dining table. Inasikaso niya ang mga pagkain at ang inumin. Naamoy ko ang mabangong amoy ng ulam sa lamesa. Mainit -init pa ang mga ito. May katakawan ako sa pagkain pero hindi halata dahil balingkinitan lang ang katawan ko.
Napakagat ako sa labi ko habang nakatitig sa sugpo. Paano ba kasi ay ang lalaki ng sukat nito. Maging ang alimango ay gano’n din. Napansin ko
