NAPAKO ang tingin ko kay Dexter at sa babaeng kasama niya. Biglang may kung anong kumurot sa puso ko at nakaramdam ako ng pagkalumo nang makita ko siyang may kasamang iba. Mukhang masaya pa siyang kasama ang babaeng ‘yon. Bigla kong naalala na baka iyon ang babaeng binanggit niya sa phone kanina na si Sandra. Kinilatis ko nang tingin ang babae. Mukhang wild at adventurous ito dahil sa suot nitong napakahapit na red dress. Hanggang hita niya lang iyon at may slit sa gawing gilid ng kanyang legs.
Nakaakbay pa si Dexter sa kaniya at masaya silang nag-uusap. Maganda siya, mukhang sopistikada, may malaking dibdib at makinis na balat. Kaya naman napatingin ako sa bahaging dibdib ko at kinapa ko ito.
“Hmm… may kalakihan din naman itong sa ‘kin. Mas lamang lang siya nang kaunti… baka salamat dok
