Kakaibang kuryente ang dumaloy sa ‘king katawan nang niyakap ko si Alice habang nasa loob kami ng horror house sa amusement park. Hindi ko iyon naramdaman noon kay Karen. Sa mga titig ni Alice ay alam kong may nararamdaman siya para sa ‘kin, ngunit natatakot ako dahil hindi ako sigurado sa nararamdaman ko. Nang inalok ako ni Tito Fredo, ang ama ni Alice na tulungan ko raw si Alice sa kompanya nila ay pumayag ako. Gusto kong makilala pa si Alice nang personal. Napangiti ako nang palihim noong malaman kung magkasama kami sa iisang opisina.
Noong una ay naiinis ako sa ginagawa ni Alice na pagpapapansin sa ‘kin. Gano’n nga talaga siguro siya lalo na't nalaman niyang ikakasal na si Karen kay Ethan. Nang malaman kong lalabas sina Alice at Patrick ay nakaramdam ako nang pagkairita. Sasama ba
