"Oy, pang-ilang bulaklak na yan, ah!" bulalas ni Letti nang muli naming makita ang isang bouquet ng mga peach roses.
Umismid lang ako bago naupo. Kinalong ko ang bulaklak at inamoy iyon.
"Oh, bakit nakabusangot ka riyan?" Sab asked. "Marami ka nang natanggap na bulaklak sa loob lang ng isang araw! Puwede ka nang magtayo ng flower shop!"
"Sira ka talaga, Sabina!"Letti exclaimed. "Paanong hindi malulukot ang mukha niyan ay matatapos na ang araw pero hindi pa rin nagpapakita sa kanya si Loverboy!"
Mas nainis ako sa narinig. Totoo naman kasi ang sinabi ng bruhang si Letticia. Sobrang dami ng mga nangyari ngayong araw at tatlong bouquet ng iba't-ibang bulaklak ang natanggap ko pero hindi ko pa rin nakikita si Ric. Matatapos na ang araw pero hindi pa rin s'ya nagpapakita sa akin.
Hindi s'y
