Muli akong napabuntong-hininga habang pinagmamasdan ang malakas na pagbuhos ng ulan.
Sabado. Lampas tanghali na ngunit hindi pa rin tumitigil ang ulan. Madilim pa rin ang langit at walang senyales na magbabago ang panahon. Malakas din ang hangin at siguradong bumabaha na sa mga mabababang lugar. Sana lang talaga ay nakapaghanda ang lahat.
Nangalumbaba ako habang nakatingin sa pagpatak ng ulan. Malalaki ang mga patak niyon at nagpapakasasa ang lupa sa tubig na dala niyon. Pakiramdam ko nga ay masayang-masaya ang mga puno at halaman na nasa garden namin, nadidilig sila at sobra pa sa kailangan nila ang nabibigay ng tubig-ulan.
"Alam kong umuulan pero bakit ka nag-e-emote riyan?"
Natatawang nilingon ko si Tita Malou. May dala s'yang isang tasa ng kape. Iniabot n’ya iyon sa akin.
"Kapag
