Wari'y binibiyak ang ulo ni Stef nang siya'y magising. Kaya maingat siyang kumalas sa pagkakayakap ni Greg upang makabangon sa kama. Ngunit tatayo pa lang siya nang biglang hilain ni Greg ang braso niya. Muli, bilanggo na naman ang maliit niyang katawan sa loob ng malalakas na mga bisig.
He snores like crazy. Bahagya siyang napangiti habang pinagmamasdan ang nahihimbing na asawa. Sinikap niyang hanapin ang sariling mga kamay upang idampi sa pisngi ni Greg. "Pakawalan mo muna ako. Magba-banyo lang naman ako."
"Hmm, s-sige. Pero 'wag matagal, huh." Inalis ni Greg ang mga braso sa katawan ng asawa at pumihit sa kabilang dako.
Makalipas ng limang minuto'y bumalik na si Stef sa kanilang kama. Muli siyang napangiti. Tulog mantika talaga siya...
Bago muling tumabi sa asawa, dinampot niya ang
