Stryke, ikaw na ang mag-drive." Inihagis ni Stef ang susi sa binata upang maalalayan niya si Greg papasok sa kotse.
Mula sa salamin, tinanaw ni Stryke ang nababahalang dalaga. "Saan natin dadalhin si Greg? Sa kanila ba?"
"Hindi. Sa bahay ko na lang." Pinahiga ni Stef ang nobyo sa kanyang mga hita. "Siguradong nakaabang na naman ang mga reporter sa compound n'yo. Dudumugin lang siya doon."
"Sigurado 'yan," anang nakangising si Stryke. Nagsisimula na siyang mag-maniobra hanggang sa makipagsabayan sa mga mabibilis na sasakyan sa highway.
Samantala, dumilat si Greg. Sa mga namumulang mata niya'y bakas ang parusang sinapit. "Matapang lang ang Jared na 'yan dahil may mga tao siya. Subukan niyang kaming dalawa lang, siguradong bugbog-sarado sa'kin ang gagong 'yon," matamlay ngunit madiin niy
