Unedited
Kinagabihan hinatid ni Ericson si January sa bahay nila. Ayaw pa sana ng dalaga magpahatid ngunit nagpumilit si Ericson na ihahatid na siya. "Magiging maayos din ang lahat Jan. Manalangin tayo para sa mabilisang paggaling ni Denmark," anito sa dalaga na wala pa ring tigil sa pagtulo ng mga luha.
Nagpasalamat si January kay Ericson nang makarating na sila sa harapan ng gusali na tinutulyan niya. Bago bumaba ng kotse ang lalaki, nangako itong babalitaan siya tungkol sa kalagayan ni Denmark. Matagal ng nakaalis si Ericson ngunit nandoon pa rin si January sa harapan ng building nila. Nag-aalala siya sa binata. Gusto niya itong makita ngunit hindi puwede. Nagpasya siyang bumalik sa ospital na kinaroroonan ni Denmark. Puwede naman siyang maghintay at makibalita nang hindi nakikita ng
